Sunday , November 27 2022

Izolamentu Vera Cruz Funsiona Hikas Atende Pasiente Corona Virus

DILI Post- Diretora Saúde Munisipiu Díli (SMD) Doutora Agostinha Assegurado informa hahu loron 15 Fevereiru Sentru Saúde Vera Cruz hahu funsiona hikas ba fatin izolamentu halo atendementu ba Pasiente infetadu Corona virus.

Diretora SMD ne’e dehan Sala izolamentu Vera Cruz sei funsiona hikas, tanba kazu pozitivu Covid-19 ne’ebe aumenta ba bebeik kada loron ne’ebe maioria ho pasiente tupi Moderadu.

Nune’e pasiente sira ne’ebe infetadu ba dengue hamutuk nain rua nulu ne’ebe antes ne’e baixa iha Sentru Saúde Vera Cruz ekipa Saúde Munisipiu Díli Muda ona eis Izolamentu Tasi tolu iha Parte dader ne’e, hodi fo fali espasu ba aténdementu pasiente ne’ebe infetadu ho vírus Corona.

“Aktulamente to’o ohin dader ‘update’ ikus pasiente nain rua nulu iha Vera Cruz ita observa tiha ohin muda ona ba Tasi Tolu no agora dadaun hahu ohin ba oin sei hala’o fila-fali tratamentu ba pasiente pozitivu Covid-19 liu liu sira ne’ebe Moderadu,” informa Diretora SMD ne’e ba Jornalista, iha Ministeriun Solidaridade Sosial Inkluzaun, Kaikoli Tersa (15/2) ohin.

Tuir dadus husi Ministériu Saúde (MS) relata kazu Foun Covid-19 ne’ebe rejista husi janeiru to’o Fevereiro tinan ne’e hamutuk ema nain 1.514 mak kontinua Pozitivu ba vírus Corona.

Husi Kazu ne’e nain 48 mak rekoperadu oan ,no total Obito Covid-19 iha Timor Leste ne’ebe sura husi 2021 to’o 2022 hamutuk 124. (JAVEL)

About dilipost

Check Also

Traballador Ida Mate Iha Korea, SEFOPE Husu Família Pasiensia Hein Prosesu Lori Fila Mate Isin

DILI Post-Diretor Diresaun Nasional Empregu Exterior (DNEE) Sekretariu Estadu Formasaun Profisional No Empregu (SEFOPE),Filomeno Soares …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Advertisement