Thursday , May 19 2022

Aban, PN Debate Orsamentu Ratifikativu

DILI Post – Hahu loron Tersa (20/04) aban,Parlamentu Nasional (PN) debate ona proposta Orsamentu Ratifikativu Miliaun $ 223,8, durante loron 7.

Sekretaris meja PN deputada Lidia Norberta dos Santos Martins hatete, ohin loron sira halo reniaun lider bankada iha ajenda unika hodi koalia konaba preparsaun diskusaun ba orsamentu ratifikativu ne’ebe hahu iha loron 20 to’o 27 fulan Abril tinan ne’e.

“Loron ida deit ba debate jeneralidade no ba iha loron neen debate espesialidade Orsamentu Ratifikativu,”informa deputada Lidia ba jornalista,iha uma fukun PN, Segunda (19/4).

Nia hatutan, agora dadaun komisaun C iha hela diskusaun ba sira nia relatoriu pareser tanba sira nia prazu submisaun relatoriu parser orsida lokraik.

“Aban dader tuku 9 hahu obrigatoriu tenke halo debate orsamentu ratifikativu ne’e sei la hanesan ho orsamentu jeral estadu ne’ebe mak iha loron 3 debate jeneralidade. Maibe, debate iha Orsamentu Ratifikativu jeneralidade loron 1,” relata deputada ne’e.

Tan ne’e, nia dehan aban lokraik proposta alterasaun hotu hotu tenke submete ona ba iha meja PN.

“Orsamentu ratifikativu ne’ebe governu hatama mai atu halo alterasaun deit ba fundu covid,”haktuir deputada Lidia.

Ne’e duni, reprezentante povu ne’e dehan bainhira governu haruka Orsamentu Ratifikativu ba iha PN, liu loron hira deit mosu inundasaun. Maiske, Orsamentu Ratifikativu ne’e governu hatama hodi koalia deit kona ba covid.

Maibe,nia dehan Orsamentu Ratifikativu
mos tenke responde ba iha inundasaun ne’ebe mosu iha loron 4 Abril tinan ne’e.

“Orsamentu ne’ebe mak sefre alterasaun ba iha fundu covid $ 223 Mileoens, tanba mosu fali inundasaun,”tenik Lidia.

Tan ne’e, nia relata presiza orsamentu balun tau no sei halo jestaun oinsa mak atu halo mudansa hodi bele atende inundasaun ne’ebe maka akontese foin lalais ne’e.(assa)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.