Friday , May 20 2022

Aban, PNTL Sei Aperta Estudante Sira

DILI Post-Polisia Nasional Timor-Leste (PNTL), liu hosi Komandu Munisipiu Dili, Tersa (18/01) aban sei aperta estudante sira bainhira simu rezultadu final iha kada eskola idak idak.

Komandante PNTL Munisipiu Dili, Superintendente Xefi, Henrique da Costa hateten, komandu Dili prepara ona ekipa hodi garante siguransa ba iha aktividade fahe rezultadu final ne’ebe sei anunsia iha loron Tersa.

“Ita sei koloka OPS sira, no mos patroliamentu sira ba iha eskola sira, no mos fatin sira ne’ebe ita konaideira hanesan amiasa ka risku ne’e, ita sei koloka ita nian ekipa ba ne’eba atu nune’e sira bele responde kedan,” dehan Henrique ba Jornalista, iha knar fatin, Kaikoli-Dili (17/01).

Tanba ne’e, Komamdante ne’e husu ba estudante sira atu kontinua respeita lei kodiku estrada, hensan motor tenke kompleta ho asesoris sira, no mos tenke lori dokumentus sira, tanba operasaun PNTL nian ba iha loron aban sei masimu.

Aliende ne’e, Komandu Dili mos identifika ona eskola ne’ebe sempre halo problema iha tempu simu rezultadu mak hanesan eskola tolu iha Don Aleixo, Kristu Rei iha eskola rua, iha Nain Feto ida, no Vera Cruz iha eskola rua.

“Ita identifika ona, eskola sira ne’e ita sei koloka ita nian ema, para nune’e asegura, e mos ita sei koloka ita nian ema iha dalan sira iha ne’eba hodi responde kedan situasaun sira iha terenu,” katak Nia

Biban ne’e, PNTL munisipiu Dili mos sei bandu estudante sira atu halo konvoi ho motor iha estrada publiku, tanba polisia sei la tolera, bainhira hetan sei aplika multa ne’ebe todan. (pogo)

About dilipost

Check Also

Polisia Lá Tolera Ema Kriminozu

DILI Post- Komandante jeral Polisia Nasional Timor-Leste (PNTL), Komisariu Faustino da Costa deklara fo ona …

Leave a Reply

Your email address will not be published.