Friday , May 20 2022

Aban,Trabalador Timoroan 70 Sei Aranka Ba Korea do Soul

DILI Post – Trabalador Timoroan nain 70, Sesta (4/6) aban, sei aranka ba Korea do Soul ho aviun Air Asia.

Ho numeru trabalador ne’ebe iha sei desloka aban ba Korea seidauk fiksu tanba hein rezultadu PCR.

Tuir Diretor Jeral SEFOPE, Paul Alves hateten, Estadu Korea do Soul loke fila- fali ona oportunidade ba trabalador Timoroan atu ba servisu iha ne’eba.

Tan ne’e, nia dehan ohin sira halo despidida ho trabalador hamutuk 70 ne’ebe mak sei servisu iha area peskas no fabrika.

“Se la akontese Covid-19 karik tinan-tinan sempre haruka Timoroan sira ba.Maibe, ohin governu Korea simu fali ita nia ema ba servisu iha ne’eba,” informa Paul ba jornalista iha Becora, Kinta (3/6).

Nia rekonese haruka trabalador Timoroan ba iha Korea paradu kuaze tinan ida tanba iha tinan kotuk kontratu tama trabalador hamutuk 444.

Maibe, nia dehan tan deit Covid-19 sae makas iha Korea kuaze kansela hotu no ohin mak governu Korea loke fila-fali para haruka trabalador timoroan sira ba.

“Sira ne’ebe agora atu ba sei tuir teste PCR no sira ne’ebe hetan Covid-19 sei labele ba no adia fali,” tenik Diretor Jeral SEFOPE ne’e.

Nia akresenta, iha Korea agora sistema foun trabalador ne’ebe ba sei kumpri kuarentina loron 14 iha Korea antes atu servisu ho kompania no sira ne’ebe mak ninia kontratu mai ona iha posibilidade sei ba hotu.

Ne’e duni, nia husu ba trabalador ne’ebe agora ba servisiu iha Korea tenke kumpri regra iha ne’eba tanba objetivu ba iha sira nia rai atu buka osan, hodi hadia moris uma laran. (assa).

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.