Wednesday , June 16 2021

Aluga Ró Transip II, Agostinho Koloka Kestaun Rua

Ministru Tranposte Komunikasaun,José Agostinho da Silva

Dili Post — Ministru Tranposte Komunikasaun (MTK),José Agostinho da Silva koloka kestaun rua ne’ebé konsidera importante hodi deside aluga ró Transip II hodi substituisaun ró Berlin Nakroma ho Sukses.

“Ba ha’u iha pergunta save rua de’it. Primeiru pergunta mak iha duni nesessidade par governu kontratu aluga ró ga la’e.? Segundu, kuandu iha nesessidade governu aluga ró, prosesu akizasaun ró ne’e oinsá.? Kumpre regra no prosedimentu jurídiku aprovizionamentu ka la’e,” dehan Ministru Agostinho, hafoin remata enkontru ho Primeiru-Ministru, Taur Matan Ruak, iha rezidénsia Farol, Tersa (08/06).

Governante ne’e konsidera, iha duni nesessidade hodi governu aluga ró ne’e, tanba durante ne’e ró berlin Nakroma avaria, ró sukses mak substituisaun hodi asegura movimentu marítima Dili Oe-cusse no Ataúro.

“Berlin Nakroma tinan kotuk avaria ita hotu hatene, to’o agora seidauk ba docking, segundu iha situasaun ida-ne’e ita-nia atendimentu públiku asegura movimentu marítima ró privadu sukses, mas ró ahi sukses nia kondisoens mak la permite ona par halo movimentu, tanba regra liga ba movimentu marítima,” dehan nia.

Timor-Leste ratifika ona konvensaun internasional kona-ba direitu tasi nian United Nation Convention on The Low of The Sea (UNCLOS) no mós SOLAX, tanba ne’e tenki kumpre nu’udar estadu membru ba organizasaun internasional marítima nian.

Tanba konvensaun ne’e dehan, bainhira atu halo moviment iha via marítima, tenki iha ekipamentu primeiru sokoru ka safety first bainhira tula pasajeiru ou sasán kargo sira, inklui kada tinan tenki ba halo manutensaun.(ajo)

About dilipost

Check Also

Komunidade Balun Kontinua Ulun Tos, Halo Uma Iha Mota Ibun

DILI Post- Maske governun bandu ba komunidade sira labele halo uma iha mota ibun no …

Leave a Reply

Your email address will not be published. Required fields are marked *