Friday , July 30 2021

Aluga Ro Traship II, FONGTIL Ejize KAK Kaptura Ministru Agustinho

Dili Post – Forum Organizasaun Naun Govermental Timor Leste (FONGTIL) ejize Komisaun Anti Korupsaun (KAK) halo kapturasaun ba Ministru Transporte Komunikasaun (MTK) Jose Agustinho da Silva.

Relasiona ho aluga Ro Traship II ne’ebe troka Ro sukses ho Berlin Nakroma hodi halo operasaun.

“Husu ba KAK atu halo kapturasaun imediata ba Ministru Agustino ho nia Diretor sira, tan ne’e konsidera hanesan fragante de leitu tuir kodigu prosesu penal Artigu, 219,” afirma diretor Ezekutivu FONGTIL, Daniel Santos do Carmo ba jornalista, liu husi Komferensia Impresa, iha salaun FONGTIL Kaikoli, Segunda (14/06).

Nia haktuir, Ministru Agustino ho nia diretor sira aproveita aportunidade hodi habokur a’an iha situasaun disifil nia laran, ne’ebe povu sofre makas impaktu husi Covid-19.

Ne’e duni, nia lamenta tanba Primeiru Ministru (PM), Taur Matan Tuak utiliza Roo ne’ebe ba halo servisu no perigu ba seguransa.

Tan ne’e FONGTIL kestiona servisu prokolu PM nian no husu PNTL atu investiga protokolu PM nian ne’ebe la halo identifikasaun ba kondisaun Roo refere.

“Ami husu ba PM atu kansela aluga roo ne’e no husu KAK atu hasai despaixu hodi kansela roo ne’e nia operasaun tanba sei prejudika seguransa ba vida ppopulasaun,”tenik diretor FONGTIL ne’e.

Entertantu ho kondisaun ro la seguru hodi halo viajen hanesan publiku hotu akompaña viajen PM Taur, husi Dili ba Atauru han oras 4, Kompara ho ro nakroma ho sukses oras ida ho balun deit.

Nune’e mos rendimentu kada viajen husi Dili ba Atauru hetan deit orsamentu 5 ate 6 mil no mos gastus ba mina bainhira viajen ba Oe-kusse no Atauru 31 mil litrus. (AnY).

About dilipost

Check Also

Sidadaun Indonezia nain 6 iha hela Prizaun Bekora

DILI Post- Sidadaun Indonezia hamutuk nain neen (6) sei iha hela prizaun Bekora. Diretor Prizaun …

Leave a Reply

Your email address will not be published. Required fields are marked *