Tuesday , October 19 2021

Antes Lori ba Laleia, Ma’hunu Sei Hatoba Iha Muzeu Rezistensia

DILI Post-Tuir planu Domingu (26/09) aban, saudozu Jose Antonio Gomes da Costa kodiku Ma’hunu Bulerek Karathayano sei hatoba iha muzeum rezistensia hafoin lori ba saudozu nian moris fatin Postu Administrativu, Munisipiu Manatutu.

Reprezentante familia Matebian, Lino de Jesus Torezao hateten, tuir planu saudozu sei hatoba iha muzeum rezistensia aban, hodi halo omenajen ikus antes lori ba Laleia, hafoin halot iha jardim dos Erois Metinaro.

Nia hatutan, desizaun ne’e foti hafoin halo koordenasaun entre Ministru Asuntu Kombatente Libertasaun Nasional, Julio Sarmento “Meta Malik” reprezenta Prmeiru Ministru, Xefe caza sivil representa Prezidente Republika, Jeneral Lere Anan Timur horkalan (24/09), hamutuk deside hodi tau iha muzeu rezistensia.

“Ne’ebe horikalan deside loos tiha ona deside orsida tuku rua ou tolu, maibe familia dehan husik kalan ida tan iha ne’e, entaun aban maka ba,” nia dehan nia iha Rezidensia Saudozu nian iha Panatai Kelepa-Dili, Sesta ohin.

Tuir nia, razaun fundamental tau iha muzeu ne’e tanba, lakohi atu lori mate isin saudozu ba mai, nune’e mak deside hodi tau iha fatin ida komum, atu nune’e ema hotu hotu mai vizita depois ba hakoi.

“Hanesan familia, nia dehan, husu ba estadu atu antes hakoi atu lori ba rai moris fatin, maibe ida ne seidauk difinitivu,” katak nia.

Enkuantu husu konaba tau iha muzeu durante loron hira? Lino hatan, seidauk determina, tanba sei hein desizaun prezidente Republika liu hosi dekretu lei.

“Tau iha muzeum to’o hein dekretu prezidensial sai hodi ba hakoi iha jardin dos erois,” hakotu Lino (mark)

About dilipost

Check Also

Taquino Lori Maudoko FC Husi Jakarta Mai TL

Tomas Taquino Goncalves Soares nain ba Clubu Maudoko Fc, Foto Dili Post ,Rosalia Lemos Soares …

Leave a Reply

Your email address will not be published. Required fields are marked *