Sunday , October 2 2022

Armanda Berta Simu Ona Matak Malirin, Fiar Tama Ronde Daruak

AINARO (DILI Post)-Kandidatura ho numeru sorteiu sia, Armanda Berta Do Santos ,husi Partidu Kmanek Haburas Unidade Nasionál Timor Oan (KHUNTO), simu ona matak malirin husi Lulik Aínaro nian molok halao atividade kampana eleitoral.

Liu husi serimonia kultura iha Uma Lisan Bukar Laitua,ne’ebe pertense ba Konsileiru Maximu KHUNTO, José dos Santos nian, akompana mós husi estrutura nasionál no militanstes.

Ho lulik nia akompana sira fiar kandidata Armanda Berta do Santos sei tama ba ronde daruak.

Iha serimonia ne’e kandidata Armanda Berta do Santos espresa sentimentu haksolok,tanba ho besaun husi Lulik Timor Leste sei akompana nia durante Kampana eleitoral ida ne’e.

“Ho ita nia identidade ida ne’e nudar Timor Oan ita tenke rekonese nafatin. Tanba, liu husi lisan ida ba lisan seluk bele konese malu diak liu tan, tan ne’e mak hakarak kaer ukun ba Nasaun Ida ne’e presiza mos Matak Malirin husi ita nia lulik sira,” dehan Kandidatura Feto Timor Oan ne’e ba jornalista, iha Âmbito Serimonia Nahe Biti Bo’ot ne’ebe hala’o iha Suku Soru Kraik , Munisipiu Ainaro, Tersa (1/03).

Iha biban hanesan Líder Supremu Partidu KHUNTO, José dos Santos”Naimori Bucar” haktuir serimonia nahe biti ,nudar kustume timor oan ,tanba kultura mak sai hanesan Identidade Timor Leste.

Tan ne’e mak nudar Timor Oan ,tenke respeita nafatin identidade no hatudu ba ema hotu, ho ida ne’e mak Kandidatura Armanda Berta mai hodi husu matak malirin ba lulik hodi akompana nafatin.Ita nia natureza no lulik sira bele akompana nafatin tan ne’e Berta mai ho nia ukun sira ,dato sira no Lia nain sira iha Ainaro liu liu iha rai soru kraik,atu mai tula bua ho malus no simu matak malirin atu iha kampana ida ne’e bele lao ho susesu, ” afirma Naimori.

Entertantu Kampana loron dahuluk Kandidatura Armanda Berta sei hala’o iha Munisipiu Aínaro.

Hafoin kontinua ba Munisipiu Manufahi, Lospalos, Baukau , Manatutu no Munisipiu Seluk ne’ebe tuir orariu husi Komisaun Nasionál Eleisaun aprova ona.(JAVEL)

About dilipost

Check Also

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement