Tuesday , January 18 2022

Auto Stop Iha KMD Oin, Prende Motorizada 20, Kareta 2

DILI Post-Polísia Nasionál Timor-Leste (PNTL) liu hosi seksaun tránzitu munisipiu Dili iha loron Segunda Feira (06/12) halo auto stop iha Komandu Munisipiu Dili nian oin konsege prende motorizada rua nulu (20) no kareta rua (2) neebe laiha dokumentus, no xapa matrikula.

Komandante Tránzitu PNTL munisipiu Dili, Inspetór Polísia, Domingus Sarmento Gama hateten, durante koron hira nian laran ekipa halo chak point besik deit iha Komandu Polisia Munisípiu Dili, tanba limitasaun transporte hodi fasilita membru sira ba halo auto stop iha terenu.

Maske nunee, aktividade pasa ravista kontinua lao, no iha loron segunda feira (06/12) ekipa polísia tránzitu Dili halo auto stop iha komandu PNTL munisipiu Dili nian oin konsege prende motorizada no kareta balun neebe laiha dokumentus.

Dader ida nee, ita konsege prende motorizada rua nulu no kareta rua, dehan Nia ba Jornalista sira iha knar fatin, Kaikoli-Dili (06/12).

Entretantu nia esplika, aktividade auto stop neebe halo iha fulan Dezembru nee kada tinan sempre halo wainhira atu tama loron boot natal no tinan foun, no numeru efetivus diferente ho fulan babain.

“Ida nee atu tama ona natal no tinan foun, entaun ita fokus liu ba chak point nee para hodi prevene ba loron boot natal no anu novu, atu labele iha asidentes ruma, no fo hanoin ba komunidade sira atu trata dokumentus ba sira neebe laiha, no xapa matrikula laiha husu sira atu trata sira nian xapa matrikula,”nia apela.

Enkuantu, tuir obeservasaun Diariu nee, aktividade pasa ravista nee, halo iha Komandu PNTL munisipiu Dili nian oin, kareta no motor sira haruka tama hotu ba areadores PNTL munisipiu Dili nian, hafoin membru tránzitu sira halo pasa ravista ba dokumentus motor, no kareta nian. Ba sira neebe dokumentus kompletu hosik liu, no sira neebe laiha tenke pasa bilite de infrasaun, hafoin kompleta lai prosesu administrativu iha banku mak bele foti ninian viaturas.(MrQ)

About dilipost

Check Also

Posibilidade Falur Avansa Lidera F-FDTL, Hafoin Lere Regigna-An

DILI Post-Xefi Estadu Maior Jeral Falentil-Forsa Defeza Timor-leste (F-FDTL), Tenente Jeneral Lere Anan Timur afirma, …

Leave a Reply

Your email address will not be published. Required fields are marked *