Wednesday , June 16 2021

Berta: Vasina Doze Daruak Sei Normaliza Fali Atividade Iha Teritoriu

Dili Post — Vise Primeira Ministra, Armanda Berta dos Santos afirma, vasina doze daruak importante tebes atu bele normaliza fali atividade sidadaun sira nian iha teritoriu Timor Leste.

“Ohin governu realiza atividade vasina ba segunda doze ninian ba 28,214 pessoas, ne’e pasu importante ba itania nasaun, tanba solusaun úniku ba vida normal mak sidadaun hotu ho idade 18 ba leten ho konsiénsia hakat ba postu vasinasaun hodi simu vasina,” dehan Vise PM ne’e liu husi diskursu hafoin lansa vasina doze daruak,Kinta (10/06) iha Sentru Konvensaun Dili.

Governu introdús vasina AstraZeneca ho Sinovac iha TL, nune’e fó liberdade ba ema ida-idak atu hili vasina ne’ebé sira hakarak, tanba vasina rua ne’e kualidade di’ak hotu.

“Governu introdús vasina AstraZeneca husi covax facility, husi Austrália no mós Sinovac husi Xina, opsaun sira ne’e fó liberdade ba sidadaun sira atu bele hili, maibé sientífikamente vasina sira ne’e seguru, efikánsia no kualidade hodi asegura imunidade ba ema ida-idak ninian,” haktiur nia.

Nune’e mós, previzaun governu nian kona-ba programa nasional kampaña vasinasaun, tinan 2021 tenke atinji 80% ema hotu simu ona vasina, nune’e bele hala’o atividade normal, tanba úniku vasina de’it mak bele salva ema nia vida.

Programa nasional kampañia vasinasaun doze dahuluk lansa iha fulan-abríl 2021, iha ne’ebé vasina ona ema hamutuk 94,313 reprezenta 12% iha nível nasional, ba ema ne’ebé tinan 18 ba leten.

Enkuantu iha munisípiu Dili ema ne’ebé vasina ona hamutuk 82,404, ne’ebé reprezenta husi 40%, husi tinan 18 anos ba leten mai simu ona vasina.

Berta lori governu TL nia naran, agradese ba apoiu husi parseiru internasional hanesan Covax Facility, Governu Austrália, Governu Xina.

Organizasaun Mundial Saúde (OMS), Gavi, United Nations International Children’s Emergency Fund (UNICEF) no seluk tan, tanba ble fó aimoruk vasina ba Timor-Leste hodi luta kontra Covid-19.

Entertantu ba loron ohin sira ne’ebe simu vasina doeze daruak husi membru governu no membru Parlamentu Nasional.(ajo)

About dilipost

Check Also

PN Sei Uza Kanal RTTL,E.P Transmite Programa

DILI Post- Parlamentu Nasional (PN) sei uza kanal RTTL,E.P hodi transmite programa liu husi Radio …

Leave a Reply

Your email address will not be published. Required fields are marked *