Dili Post Habelar no Haburas Demokrasia
Related Articles
DILI Post-Tuir loloos iha tempu ‘Ukun Rasik An’ la iha tan kilat ou samurai ou surik kro’at selok ba mai. Buat kro’at hirak ne’e, iha 30 Agosto 1999 povu sira promete sasan kroat hirak ne’e haloot ona tasi okos, tansa to’o segundu ida ne’e, besi riti fila ba povu. Tanba, sasan hirak ne’e, povu nian. Sosa hodi povu ninia kosar been atu proteze sira.
Responde ba problema ne’ebe foin lalais ne’e akontese iha Postu Administrativu Natarbora, Munisipiu Manatuto. Komandante Jerál Polisia Nasionál Timor-Leste (PNTL), Komisariu Faustino da Costa, informa, nia parte haruka ona ekipa ida atu ba hala’o investigasaun ba kazu tiru komunidade ida. Maske nune’e, nia parte seidauk bele koalia buat balun konaba assuntu ne’e, tanba kazu ne’e sei iha hela prosesu investigasaun.
Argumentu hirak ne’e fo sai jornalista, bainhira partisipa abertura ba seminariu loron ida ba nivél ezekutivu Komandu PNTL Munisipiu sira, oinsá adapta a’an ba sistema dijitalizasaun ne’ebé iha Sentru Formasaun Polísia Comoro, Segunda-feira (26/09).
Iha oportunidade ne’e Komisariu PNTL ne’e fiar katak, sei hetan rezultadu di’ak. Atu hare, ida ne’e Polisia maka tiru ou la’e. Portantu nia seidauk bele responde. Kuandu ekipa refere uainhira aprezenta rezultadu investigasaun detallu hafoin nia koalia.
Tuir Komisariu ne’e, na’in ba karau ne’e mós la identifika karreta ne’ebé ema uza hodi tula sira nia karau hafoin ema deskoñesidu ne’e tiru tanba xapa mátrikula karreta nian la iha. Sé sira maka identifika karreta ho xapa mátrikula ne’e, Polisia buka fasil loos. Maibé, ninia ekipa investigasaun dezloka ona entaun hein investigasaun.
Fatin hanesan, Komandante PNTL Munisipiu Manatuto Superintendente João da Costa, informa, karau na’in presta ona keixa iha Eskuadra PNTL Natarbora. “Ha’u fó orientasaun bá Xefe Investigasaun Eskuadra Natarbora atu bolu karau na’in mai Eskuadra atu fó informasaun ho lolos atu buka tuir autór ne’ebé estraga komunidade ninia animal,”tenik nia.
Nia dehan, prosesu identifikasaun ba karau na’in sira mós la hatene karreta ne’ebé maka momentu ne’eba tula karau. Tanba, karreta refere la ho xápa matrikula.
Komandante PNTL Munisipiu Manatutu ne’e hatutan, husi Komandu Eskuadra Natarbora submete ona informasaun ne’ebé rekolla husi karau na’in ba Komandu PNTL Manatuto.
Ohin Eskuadra PNTL Manatuto submete ona relatoriu mai Komandu PNTL Manatuto, iha b ala rua maka sira foti iha fatin akontesimentu. Agora daudaun investigadór sira hala’o ezaminasaun ba bala rua ne’e, hodi bele hatene bala rua ne’e husi ne’ebé.
Nia klarifika katak, iha Timór só Instituisaun rua F-FDTL no PNTL maka ka’er kilat bo’ot. Tanba ne’e, ekipa investigsaun audisionál husi Nasionál sira presiza hala’o ezaminasaun ba bala musan rua ne’e.
Karik liu husi investigasaun ne’e ekipa identifika iha membru PNTL balun envolve tiru karau komunidade Komandante Munisipiu rasik sei foti desizaun. Tanba utiliza sasan Estadu la tuir Lei. Klaru sei hetan sansaun tuir Lei ne’ebe iha. Entretantu, kazu ema deskoñesidu ho kilat tiru komunidade ida nia karau iha área Postu Administrativu Natarbora Munsipiu Manatuto akontese iha loron Sesta-feira, foin lalais, tuku 04:00 madrugada otl.
Akontesimentu ne’e ema deskoñesidu ho kilat tiru ho karrreta xapa matrikula la iha. Konsege tiru mate komunidaee nia karau rua mate fatin. Karau ida sira konsesege tula ba karreta no ida seluk la konsege.(al)
