Monday , December 6 2021

Bus Watusera Soke Motor Beet Street Nain Ida Mate

Komandante Tranzitu PNTL Munisipiu Dili, Inseptor Polisia, Domingus Sarmento Gama

DILI Post-Bus Watusera ho xapa matrikula 36763 TL dirasaun Dili- Lospalos soke motor ho marka Beet Street xapa matrikula M 9901 rejulta joven nain ida ho identidade Antonio Soares Gusmao (35) lakon vida.

Tuir informasaun katak, Bus refere dirasaun hosi Dili ba Lospalos, no motorizada dirasaun hosi Parte Leste atu mai Dili. Maibe, to’o iha aldeia Halidolar-Hera mak mosu asidente grave ne’e.

Komandante Tranzitu PNTL Munisipiu Dili, Inseptor Polisia, Domingus Sarmento Gama hateten, asidente ne’ebe invole transporte publiku dirasaun Dili Lospalos ho motorizada akontese iha Aldeia Halidolar-Hera iha tuku 20:00 resin kalan.

“Motorista ne’e kanek grave, no konsege transporte ba Hospital Nasional, maibe la konsege salva nia vida, tuir informasaun liu oras tolu hanesan ne’e nia hakotu iis iha HNGV, ” dehan Komandante ne’e iha Postu Tranzitu Bairru-Pite-Dili, Kuarta ohin.

Enkuantu, kondutor bus ho inisial LP dadaun ne’e parte autoridade siguransa lori ona ba Komandu Dili hodi presta deklarasaun.

Aliende ne’e evidensia hanesan bus no motorizada iha ona komandu PNTL munisipiu Dili nian kontrola.

“Prosesu hotu ita la’o tuir nia dalan, tuir lei, wainhira ita rekoila hotu aktus sira ita sei haruka ba Ministeriu Publiku,” dehan Sarmento.

Maske nune’e, konaba motivu hosi asidente ne’e, nia dehan dadaun ne’e sei iha investigasaun laran, no sei buka tan sasin balun hodi kompleta dadus hosi asisente ne’e.

Ho akontesementu ne’e, Komandante tranzitu ne’e apela ba sidadaun hotu atu atensaun wainhira halo viazen dook, no kontrola velusidade. (mark)

About dilipost

Check Also

Vise MI Hato’o Parabens Ba Loron Feto Servisu Imigrasaun Ba Dala VI

DILI Post-Vise Ministru Interior (MI), Antonio Armindo hato’o parabens ba loron feto servisu migrasaun ba …

Leave a Reply

Your email address will not be published. Required fields are marked *