Monday , June 27 2022

Citilink Sei Voo Hikas Iha Fulan Maiu

DILI Post-Aviasaun Citilink sei hahu hikas ninian voo komersial iha loron 30 fulan Maiu tinan ne’e.

Responsavel Citilink Timor-Leste, Fernando da Silva hateten, sorumutu ne’ebe halo ho ajensia tiketi sira ne’ebe realiza ohin hodi bele ‘falow up’ informasaun husi Governu Timor Leste, liliu Ministeriu Transporte no Telekomunikasaun ho Autoridade Sivil aviasaun katak Aeroportu Internasional Prezidente Nicolau Lobato sei loke hikas aktividade komesrsial ‘Flight’

“PT Citilink Indonezia nudar ‘designation air line’ ne’ebe mak iha akordu entre governu Indonezia ho Timor Leste. Entaun, ita hahu prepara reativa fila-fali rute Depansar Dili, Dili Denpasar iha 30 de Maiu ba oin,” dehan Fernando hafoin remata inkontru ho Ajensia Tiketi sira iha Timor Leste, iha Hotel Novu Turismu, Lecidere-Dili, Sesta ohin.

Maibe, nia dehan tanba merkadu mos seidauk fila ba normal, entaun voo ida sei hahu semana ida dala rua.

Fatin hanesan Vogal Tekniku Autoridade Aviasaun Sivil, Domingos Ximenes haktuir, Durante pandemia covid nian laran, iha tinan rua nian laran aktividade komersial ‘flight taka’

“Maibe, ita loke komersial ‘flight’ iha tempu hirak liu ba, soke operador maka foin iha inisiativa halo sira nian komersial flight,” katak Domingos.

Nia hatutan, Indoenzia nian aviaun tolu mak tama mai Timor-Leste hanesan Citilink, Sry Wijaya no Trans Nusa, maibe Citilink mak foin reativa fila-fali ninian voo komersial.

“Ohin loron, foin maka Citilink hakarak reativa fila -fali ninian voo komersial ne’e hahu iha 30 de Maiu,” nia afirma.

Enkuantu, tuir nia voo komersial ne’e di’ak tebes ba governu no mos estadu Timor-Leste, nune’e konektividade komersial la’o fali, ema hotu bele hala’o falo ninian aktividade hanesan normal, bele voo fila-fali ba nasaun hirak ne’ebe sira hakarak vizita.

Aliende ne’e, iha parte seluk business man sira bele voo mai Timor Leste hodi loke sira nian business iha Timor (pogo)

About dilipost

Check Also

Labarik 48% Iha TL Kontinua Sofre Malnutrisaun

DILI Post- Prezidente Institutu Para Defesa do Direitos Das Crianças Institutu Publiku (INDDICA I.P) ,Dinorah …