Saturday , December 3 2022

CVTL Nia Estoria  Husi Kampu

Agora, labarik sira bele eskapa ona husi Dengue     

Iha Janeiru 2022, Filomena Sequeira (34) simu informasaun husi voluntáriu sira konabá oinsá moras dengue iha nia uma, iha Santa Cruz, Díli.

Inan husi oan na’in rua ne’e hateten, informasaun hirak ne’ebe voluntáriu sira partilha ne’e, muda tebes duni nia atensaun ba nia oan sira.

Dala ruma ita lá-iha atensaun katak labarik sira halimar iha liur, iha udan laran, dala ruma sira látoba iha moskiteiru nia okos, ka halimar ho bee-foer. Informasaun hirak ne’ebe hato’o mai ami mak halo atu ami tau atensaun liu-tan ba labariks sira.

Iha Fevereiru, Filomena esplika ba CVTL nia Ekipa Komunikasaun katak medikamentu abate nian CVTL tau ona iha nia tanki bee. Ami salva-an ona tanba ami hatene katak medikamentu abate ne’e tulun ami atu eskapa husi moras dengue, ne’ebe mak oras ne’e daudaun konsideradu nu’udar pendemia tanba hamate ema lubuk ida iha Janeiru, inklui labarik.

“Molok sira (CVTL) tau abate iha tanki bee no esgotu iha bairru laran, dala ruma, ami bele hetan larva no iha susuk barak tebes. Hafoin uza tiha ‘medikamentu’, susuk mos lako, no larva moos lakon. Ita hare hanesan medikamentu ne’e veneno ida hodi halakon susuk. Tanba ne’e mak oras ne’e, hau sente diak, labarik sira seguru. Hateten.

Filomena haktuir katak, nia agora, hamoos tanki bee semana-semana no enxe tau rai-henek ba tanki bee reserva. Wainhira hamoos tanki haris nian, hasai tiha abate ne’e depois mak tau fali hamutuk ho bee moos.

Husi Guido Fereirra (Voluntáriu husi CVTL nia Komunikasaun)

Ami nunka sente seguru; ami nunka iha privasidade – muda ema-nia moris

Ami tur haleu meja hodi ko’alia ho Brigida Madeira. Ami sempre la’o tun ba mota hodi ho masa litru 5 “jerry cans”, ho labarik no fase-roupa – lorloron. Ne’e la’o ba-mai oras tolu nia laran. Oras ne’e, ami bele la’o sai deit ba tanki no ami hetan ona bee. Ida-ne’e transforma ona ami-nia moris. Brigida iha oan na’in 12 no bei-oan na’in 6, nia tinan 49, no nia mak xefi aldeia Maulete (Chief of the Sub-Village).

Ami agora iha jardin komunitáriu; ami bele kuda modo tinan tomak nia laran. Antes ne’e ami sob ele kuda ai-farinha, kafé, batar, fehuk-midar, no hudi. Ami sempre ba toos-laran no kári fini no hein sa-ida mak atu moris maibé, iha tempu ne’ebe, difisil tebes atu halo toos tanba, se lá-udan tempu naruk entaun bai-loron mak tempu naruk. Toos mos kuaze oras 1-2 distánsia no ami lá-bele lorloron – hafoin tempu udan, lá-iha buat ida mak bele moris, tanba ne’e mak iha tempu bai-loron ami nunca hetan ai-han nutrisionál. CVTL hanorin ami oinsá mak kuda modo, halo adubu orgânica, hanorin ami konabá métodu loloos hodi kuda modo. Agora ami bele ona kuda modo, nomoos dérok – ida-ne’e di’ak liu ba komunidade, no ami saudável tebes; no ami bele fahe modo. Iha bee no matenek mak halo ona mudança ida-ne’e.

Julio Soares mak Fasilitadór Grupu Manutensaun ka Group Maintenance Facilitator (GMF) no xefi GMF. Nia idade 52 no iha oan na’in 10. Nu’udar xefi GMF, hau hala’o atividade hodi asegura katak bee sulin duni; hare oinsá progresu husi sasán hirak ne’e, asegura kata kami haktuir duni planu, no sa-ida mak ami-nia atividade, haktuir loloos tékniku sira; dirije enkontru entre GMF sira seluk. Hau mak liga komunidade no CVTL. Eziste bee-dalan-oan kuaze ualu mak sulin hamutuk ba fornesedór bee permanente wainhira projetu ne’e termina – hat mak termina tiha ona. CVTL lori bee ba uma kain no família barak; ne’e halo hau contente no halo komunidade mos kontenti.

Enkuantu ko’alia ho Angelina Salsinha, nia foti matan sees tiha husi kafé musan ne’ebe habai hela no hateten momoos katak antes ne’e ami tenki ba ai-laran wainhira ami atu ba sentina – ami nunka sente seguru no ami nunka iha privasidade – liuliu ba feto sira. Labarik sira agora saudável liu ho bee; iha sentina, fase ami-nia liman beibeik no nutrisaun di’ak liu.. 

Hau mai iha Coliate kuaze dala 2-5 iha fulan ida nia laran tenik Ligia Albino, ho idade 25 no Ofisiál Saúde iha CVTL Filiál Ermera. Ne’e-moos depende se iha transporte ka la’e. Dala ruma, sa’e bis ne’ebe lori oras hat duke la’o-ain oras tolu nia laran – ne’e komik fali tanba km 25 de’it husi ami-nia Eskritóriu Filiál nian, maibé estrada mak at tebes. Maibé hau hadomi saida mak hau halo – no ne’e folin tebes. Hau servisu ho komunidade; fó treinamentu konabá nutrisaun, violasaun doméstika ba inan sira, atividade bázika konabá saúse komunitária iha eskola primária, fase liman, no saúde inan. Ida-ne’e mak ICBRR – ami lori kestaun importante hothotu hamutuk ba komunidade. 

Antes ami fila liu husi dalan ne’ebe at tebes, ami hatene liu ba foho no mota-kuak. Ami hetan Anamezia de Jesus Maia, menina moedór ida ho idade 17 ne’ebe mak agora nu’udar voluntária CVTL iha suku. Ida-ne’e mak mudansa di’ak ne’ebe akontese – di’ak mai ami-nia moris rasik no di’ak ba komunidade. 

Ami-nia uma rahun tiha tanba anin-boot no inundasaun

Inundasaun iha Timor-Leste, iha tinan 2021, afeta ema barak ho maneira oioin. Alfonso Fatima Soares husi Ainaro mos lá-eskapa husi akontesimentu ne’e. Situadu iha Aldeia Betulau, iha Munisípiu Ainaro, Alfonso mak Xefi Aldeia Betulau (Xefi Aldeia iha Suku Aitutu), ho idade 51 no nia uma rahun hamutuk ho sasán hothotu ne’ebe nia no nia família iha. Hamutuk ema na’in 12 iha ami-nia família – ami triste no hanoin barak tebes, lá-iha buat ida mak hela. Wainhira udan boot no anin mai, hau ho hau-

nia família halai ba fatin seguru, maibé hau-nia uma rahun tiha tanba anin forte no inundasaun. Família rua seluk mos sofre hanesan ami.

CVTL rona tiha problema barak ne’ebe ami hasoru, no mai kedas halo levantamentu iha ami-nia aldeia. Sira lori ai-han no buat barak seluk mai tulun ami. CVTL de’it mak mai tulun ami, ami sente mesak tebes, katak lá-iha ema ida mak konsente ho ami-nia bein-estar. Ami kontenti tebes wainhira ema ida tau atensaun mai ami. Ami sofre tebes maibé sira enkoraja ami hodi hateke ba oin. Ami kontenti tanba ami nia fatin rai ai-han lá-estraga, maibé família seluk lakon moos sira-nia animál – balu mate no balu halai lakon. CVTL tulun komunidade iha operasaun konjunta ho kolaborasaun hamutuk ho governu local MDRMC (Municipality Disaster Risk Management Committee) hodi fornese Emergency Relief Items. CVTL fornese artigu familiar ne’ebe inklui utensíliu ba dapur, moskiteiru, artigu ijiéniku, lipa, artigu ba feto no bebé no ekipamentu limpeza nian, no MDRMC fornese asisténsia ai-han.

CVTL fila fali mai aldeia hodi tulun iha rekuperasaun no hala’o avaliasaun konabá sobrevivénsia. Hamutuk ho omunidade, sira deside katak hakarak konsentra ba animál.

Ami fó treinamentu loron rua no hanorin konaba oinsá mak harí uma ba hakiak manu, ami hanorin konabá oinsá mak prevene moras ba manu ho de’it medikamentu ai-kulit tradisionál, uza produtu local hanesan kinur, galangal (lengkuas) pimento no lis mutin (lis asu) – ami halo nune’e atu manu bele hemu mo sai forte no tulun prevene moras iha future.

CVTL fornese materiál ba manu nia uma inklui raihenek, besi onduladu ba foru, pregu no redi arame. Ami utiliza ami-nia au local hodi kompleta manu nia uma foun. Ami hari uma foun ba manu no CVTL fornese manu 10 (inan 8 no aman). Ida-ne’e tulun tebes ami tanba ami bele hetan manu-tolun no bele hetan tan manu iha future, nune’e-moos tulun ami atu hetan nutrisaun ba família.

Ami sofre tiha ona, hanesan sira seluk. Maibé ami agradese tebes tanba bele moris no obrigadu tebes ba CVTL ne’ebe mai tulun ami no anju sira sei tulun. 

Husi Guido Ferreira – Voluntáriu Komunikasaun CVTL

Wainhira kripik folin monu, Cruz Vermelha iha hodi tulun

Amelia habai kripik ai-farinha ba loron hodi hamaran, no esplika konabá oinsá CVTL hanorin nia hodi transforma sabór ai-farinha sai fonte rendimentu importante ida ba nia família. 

“CVTL hanorin ami oinsá halo kripik,” nia hateten wainhira nia liman halo namakari lalais los kripik iha fatin habai nian. “Ami halo grelha; ami tau kripik iha loron manas to’o maran didi’ak, depois ami sona.”

Neneik-neneik sai populár iha Timor-Leste tomak, kripik ai-farinha ne’e dala ruma importa husi nasaun vizinhu hanesan Indonézia maibé agora sai ona fonte rendimentu importante ida ba Amélia no nia grupu. 

Amelia bele fa’an kriik ne’e ho folin $10 saku ida, fonte rendimentu importante ida-ne’ebe nia utiliza, foin daudaun ne’e, hodi sosa nia oan sira-nia lapiz, kadernu no materiál eskola seluk,” nia hateten. “Ami bele han ai-farinha ne’e no restu ne’ebe ami lá-han, ami fo-han fahi.”

Enkuantu agrikultura mak meiu-sobrevivénsia primária ba kuaze pursentu 80 populasaun TimorLeste, no barak liu mak toos-na’in subsisténsia ho asesu limitadu ba teknolojia no ba prátika nesesária hirak relasiona ho produsaun ai-han sustentável. Rendimentu ki’ik no lá-iha kolheta signifika katak iha uitoan de’it ka lá-iha produtu ida mak falta iha tempu kolheta, tanba produto hothotu hodi alimenta de’it família.

CVTL nia programa hanaran Integrated Community Based Risk Reduction Program (ICBR) hakarak

reduz dezafiun hirak ne’e no diversifika meiu-subsisténsia ba família vulnerável liu iha nasaun laran.

Fornese matadalan téknika konabá oinsá atu kuda modo hodi hasa’e kolheta        nune’e             bele     produz rendimentu adisionál. Implementa husi CVTL liu husi aprosimasaun ida konsentrada-ba-uma      kain, estratéjia no aprosimasaun foun moos inklui   konstrusaun     ba irigasaun, vasinasaun ba animal no agrikultura orgánika.

Programa ne’e moos estabelese ona grupu meiu-subsisténsia, iha ne’ebe mak komunidade agríkola bele tulun malu hodi buka solusaun hamutuk. Grupu hirak ne’e iha relasaun ho Fasilitadór Agrikultura iha nível local no hetan apoiu husi governu local, parseiru importante ida iha programa ne’e. Grupu hirak ne’e hamosu ambiente suportivu ba grupu hirak ne’ebe dala ruma marjinalizadu, (inklui feto no idozu) hasa’e sira-nia matenek, kapasidade no rendimentu. Sira halo atu ema sirane’e bele fahe informasaun, servisu hamutuk hodi tulun malu, nune’e-moos fa’an sira-nia produtu nu’udar grupu.

Hakerek husi Age Magno, traduzidu no editadu husi Anacleto Bento, Edisaun finál Joe Cropp

Moris ho Ameasa – Inundasaun Estraga Díli Dala Ida Tan  

Oras ne’e menus fulan sanulu-resin-ida desde Timor-Leste sofre ba inundasaun makas ne’ebe estraga nasaun. Timor-Leste sei rekupera hela hahú husi inundasaun ne’ebe akontese iha Abril 2021, no hamutuk ho prezensa definitive COVID-19 no surtu grave seluk husi dengue – ami hetan dala ida tan, udan makas no estragu husi inundasaun. Vitima ida mak João Espírito Santos

João moris iha Munisípiu Ermera, iha foho, no muda mai Díli iha tinan 23 liu ba. João ho nia kaben iha oan na’in lima, no lá-iha kintál, no hanesan moos hos Timor-oan sira seluk, nia harí uma besik ba mota. Mota ne’e maran kuaze tinan tomak – maibé iha kada estasaun udan, bee tun no karik udan bo’ot, mota ne’e hamosu inundasaun.

João servisu makas tebes. Ninia servisu mak kee raihenek no fatuk iha mota laran no nune’e, nia bele hetan besik $10 – $15 iha loron hirak nia laran. Ida-ne’e osan nato’on hodi sustenta nia família.

Iha loron 21 Fevereiru dadeer, João sai ba mota laran hodi hahú servisu maibé iha tempu ne’eba mota tuun makas tebes no nível aas tebes. “ Hautauk katak buat at ruma atu akontese daudaun, tanba ne’e hau halai fila ba uma hodi foti ami-nia dokumentu sira.” Nia haktuir. 

“Mota sobu ami-nia uma – no buat hotu ne’ebe ami iha – no saku ida no ami-nia dokumentus. Ami lá-iha osan atu sosa fali sasán hirak hanesan sanan, bikan, kulshaun no hena, nein ami-nia uma.

Ami lako buat hotu – hau triste no laran moras tebes.

CVTL entrega ba João ho nia família konsha ida, artigu pesoál hirak hanesan eskova kose nehan no pasta-dentes, no apoiu morál. Sira moos foti família lori ba kampaun Dom Bosco, fatin ba ema refijiadu sira.

“Ami hatene katak hela besik mota ne’e perigozu maibé ami lá-iha eskolha. Ami lá-iha rai, no ami lá-bele sosa rai. Ema hanesan ami, ikus mai, harí uma besik ba mota. Ami tenki komprometidu hodi iha uma ida, maibé iha fatin ne’ebe bele sai perigu. Tinan barak ami lá-hetan inundasaun – no iha tinan barak nia laran ami láhetan inundasaun bo’ot ida hanesan inundasaun ne’ebe ami hetan iha fulan 12 ba kotuk. Wainhira udan tau makas iha foho – mota tun lalais tebes – no harahun buat hothotu.”

“Pelumenus ami iha ai-han no mahon,” nia dehan. “no agora ami seguru. Maibé haul á-kontenti tebes tanba lakon uma no buat hotu ne’ebe ami iha. Hau tauk konabá hau-nia family-nia future – maibé, pelumenus agora, ami seguru hela.”

“ami agradese tebes tanba CVTL iha ne’eba hodi tau matan mai ami tanba ami lá-hatene sa-ida mak atu halo no atu ba ne’ebe,” dehan João. 

Husi Guido Ferreira (Voluntáriu Komunikasaun CVTL)

Dapur emerjénsia – Ami toba iha ne’e tanba sira.

Kazu dahuluk transmisaun local virus COVID-19 iha Timor-Leste ne’e, iha 2021 no dehan katak mai husi Fatumea, Covalima, besik ba fronteira ho Indonézia. Cruz Vermelha de Timor-Leste (CVTL – Red Cross Timor-Leste) hala’o servisu barak iha 2020, servisu iha nasaun laran tomak, eduka komunidade konabá prevensaun COVID. Ne’e tempu difisil ida tanba iha momentu ne’ebe, ema barak lá-fiar katak COVID ne’e iha, seluk lá-fó importánsia; enkuantu mundu sofre makas hela husi pandemia iha 2020, Timor-Leste iha de’it kazu uitoan, hotu kedas mai husi tasi-balu, no iha momentu ne’ebe lá-iha mate. Maibé 2021 hatudu katak buat hirak ne’e hahú muda.

Lalais de’it ba Abril 2021, Timor-Leste hetan inundasaun makas. Ema na’in 50 mate; uma barak estraga hamutuk kuaze ema na’in 3000 mak hetan impaktu; no monta kampu iha nasaun laran tomak ba refijiadu sira (fatin ba ema refujiadu). Hanesan ho Sosiedade Kruz Vermelha sira seluk iha mundu tomak, CVTL karrega dezastre natural hamutuk ho pandemia ida. Responsta ida-ne’ebe mak CVTL fó mak monta dapur emerjénsia hodi apia ema refujiadu. 

Adelina Rangel Martins mak Xefi Divizaun Dapur Emerjénsia iha CVTL. Nia tenik “ema hotu iha ne’e mesak voluntáriu; ami pronto iha ne’e hodi tulun ema sira-ne’ebe sofre tanba lakon buat barak. Sira lakon sira-nia uma, sira-nia animal, sira-nia kolheta. Ema barak mak lakon buat hotu! Ho CVTL nia espíritu voluntarismu ne’ebe forte – amimai hodi tulun no tau matan ema sirane’ebe iha tempu difisil ne’e.”

Adelina hateten, voluntáriu balun lakoi fila ba uma ho hili atu toba iha dapu emerjénsia. “ami hahú ho voluntáriu na’in rua, depois neen…iha tempu badak de’it to’o ema na’in 20 ne’ebe mak hela hotu iha dapur emerjénsia. Ami hakarak hela iha ne’e tanba ami hakarak pronto iha dadeer sedu hodi prepara matabisu no han meu-dia – hela iha ne’ebe tanba ema, (han kalan prepara husi Ministériu Saúde no grupu seluk). 

Nelson Viana ne’e voluntáriu ida iha ekipa Task Force. Nelsaon hateten, sira okupadu tebes iha fulan hirak nia laran; “lorloron, hau no hau-nia kolega voluntáriu lakon ami-nia tempu hodi desinfeta no rega; monta tenda, harí tanki fase liman, tein, no fahe informasaun edukasionál konabá prevensaun COVID-19. Ami kole ona, no okupadu tebes, maibé ami-nia servisu ne’e importante tebtebes, no ami kontenti tebes tanba bele tulun ema.” 

Dapur ne’e kontinua maibé maioria ba funsionáriu no voluntáriu sira-ne’ebe sei kontinua ho sirania servisu konabá prevensaun COVID. 

Ami tenki halai hodi salva ami-nia vida.

Nelson de Jesus, tinan 25 no aman ba labarik na’in hat, husi Orlalan, Munisípiu Manatuto. Hanesan hoe ma barak iha nia komunidade – Nelson ho nia família servisu lorloron kuda modo. Fila rai, kuda modo, no kuidadu ai-farinha, talas, fehuk midar no kafé. Ida-ne’e mak hau-nia servisu lorloron hodi sustenta hau-nia família no manan netik osan oan ruma.

Maibé depois inundasaun mosu iha 4 Abril 2021. Mai lakon barak tebes; ami-nia uma estraga at tebes; udan tun makas tebes. Aminia kuartu, sasán dapur no roupa, bee lori hotu. Ami lakon animal barak – fahi no karau. Balun mate no balun halai tiha hodi eskapa husi inundasaun. To’o agora moos, seida’uk bele hetan fila fali. Ida-ne’e fuan moras tebes. 

Nelson, nia kaben, banin-feto no labarik sira (hamutuk ho sira-nia vizinhu barak) halai ba foho hodi aseguraan. Ami tenki salva ami-nia-an uluk, ida-ne’e ma kami-nia prioridade dahuluk tanba se ita salva ona, it abele hahú fali ita-nia moris. 

CVTL Filiál Manatutu hatene kata kami hasoru problema iha ami-nia aldeia tanba inundasaun, entaun sira mai hodi halo avaliasaun atu bele hatene sa-ida mbele halo hodi fó tulun. Sira ko’alia ho ami konabá sa-ida mak akontese no lori mai ami ai-han ruma no ekipamentu dapur, hodi tulun ami fila fali baa mi-nia moris rasik. Ami agradese tebes. CVTL tulun komunidade hamutuk ho kooperasaun ho governu local MDRMC (Municipality Disaster Risk Management Committee) hodi fó Emergency Relief Items. CVTL fornese ekipamentu familiár ne’ebe inklui utensíliu dapur, moskiteiru, ekipamenti ijiéniku, lipa, artigu ba feto no labaraik, no ekipamentu limpeza nian; no MDRMC fornese asisténsia ai-han.  

CVTL mos oferese ba komunidade opsaun rua hodi tulun ami ba tempu naruk; ami bele hakiak manu ka kuda modo. Sira fó formasaun mai ami no hanorin ami konabá hakiak manu no kuda modo. Hau deside hodi hili hakiak manu. CVTL fó mai ami materiál hodi harí uma ba manu, inklui simente, rede arame, besi onduladu no pregu. Sira mos fó mai ami $50 hodi sosa manu, tanba ne’e hau sosa manu inan ualu no manu aman rua. Ida-ne’e di’ak tebes hodi tulun ami fila fali ba ami nia moris hamutuk no ami agradese tebes CVTL no anju sira tanba tulun ona ami iha tempu ne’ebe ami presija. Agora ami iha manu no bele iha manutolun; ida-ne’e tulun tempu naruk ho sustentabilidade – tanba ne’e ami agradese tebes. 

Idade 56 Joao Pedro Monis, husi Manatuto, Suku Orlalan. Hau deside atu hili opsaun kuda modo, tanba haul á-iha esperiénsia barak konabá ida-ne’e. Ami hetan treinamentu no fini pakote hat: kanko, mostarda, tomate, no alfase. Ami aprende oinsá halo pestisida orgánika no kompostájen. Ami kuda fini no iha tempu fulan nia laran ami bele halo kolheta modo. Ida-ne’e hanesan rezultadu bo’ot ida hafoin liu tiha husi inundasaun bo’ot. Ami sente kontenti tanba programa CVTL nian, lori solusaun tempu naruk mai ami. Idane’e maneira di’ak ida hodi hetan rendimentu nune’e-moos nutrisaun di’ak mai hau-nia família. Ami hein katak programa ne’ebe CVTL lori mai tulun ami-nia suku bele moos tulun iha munisípiu seluk, iha nasaun laran. Ami hakara agradese ekipa CVTL no anju sira husi ami-nia fuan laran. 

Husi Guido Fereirra (Voluntáriu Komunikasaun CVTL)

Tulun labarik sira iha tempu trauma. 

Enkuantu númeru COVID-19 iha nasaun laran sa’e nafatin ba eskala barak no númeru mate sa’e ba

beibeik lalais, pandemia COVID hahú fó impaktu ida konsiderável iha Timor-Leste. Ho pelumenus mate ida, númeru kazu mate multiplika husi 100 ba 1000 iha fulan kotuk ne’ebe mak prejudika sistema saúde fragil iha Timor-Leste. 

Iha Abril dahaat, Timor-Leste sofre ba inundasaun ne’ebe rezulta ema mate 50 no liu 30,000 hetan impaktu diretu husi inundasaun no rai halai. Ema 30,000 mak tenki evakua ba fatin seguru. Eskritóriu governamentál, eskola no igreja, lalais de’it sai fatin emerjénsia ba sentru evakuasaun, inklui Dom Bosco iha Comoro; Irmans Saleziana iha Comoro no Balide; CVTL nia kuartél Jerál. Iha eskritóriu CVTL ema uitoan de’it mak mai refujia. Iha CVTL nia eskritóriu de’it hamutuk ema 98 (husi uma kain 24), inklui labarik-oan, inan isin-rua no fó-susu, no ema ho defisiénsia. 

Loron   ida     hafoin inundasaun derepenti, sei udan nafatin no CVTL nia voluntáriu  sira    notifika katak labarik sira sei tauk no sira sei trauma nafatin ho    eventu       inundasaun makas ne’e. Sira presija liu kuidadus          no        hakarak domin     bo’ot    no    buka konfortu husi      sira-nia família.  Voluntáriu    sira preokupa konabá   oinsásira bele tulun labarik sirane’e hodi liu husi tempu trauma ne’e. Sira rona

labarik ida husu ba nia inan, “se ida-ne’e udan nafatina, ita sei hetan tan inundasaun – ita sei ba ne’ebe?” Voluntáriu sira hahú hanoin – sa-ida mak ita bele halo hodi tulun labarik sira-ne’ebe sei tauk nafatin. 

Loron hirak liu tiha, Tety no Sonia (CVTL nia Juventude Voluntária) mai iha Sentru Evakuasaun CVTL no sira haré labarik balun tuur nonook loos no mesmesak de’it iha kantinhu ida. 

Tety hasee labarik sira-ne’e, “haiiiiiiiiiiiiii alin sira, imi diak ka lae?” Sira hothotu kalma loos – lá-iha ema ida mak ko’alia liafuan ida. 

Tety kokó dala ida tan “se mak hakarak ba eskola?”

Labarik ida dehan “Ami lá-bele, ami-nia eskola hetan inundasaun”. 

“Ami-nia eskola taka tanba COVID-19 – ami lá-bele ba eskola,” tenik labarik seluk.

Tety no Sonia hatan neneik, “Nusa mak ita lá-ba eskola ne’ebe besik ita, ne’e lá-iha inundasaun.”

Labarik na’in haat tuir sira ba eskola fatin.

Iha dalan, Tety no Sonia hahú kanta no basa-liman “Ita sae kareta domin nian”. Labarik sira kanta tuir no lá-kleur de’it kantiku ne’e fanun labarik sira seluk ne’ebe toba hela iha kulshaun no sira moos tuir ba eskola fatin.

Wainhira labarik sira tuur hotu ona, sira simu lapis ida-ida no husu sira atu dezenha buat ruma ne’ebe sira hadomi. Sira hotu kedas iha ideia hanesan de’it, sira hotu pinta sira-nia família.

Tety: “Hey Mika, o pinta ona sa-ida?”

Mika: “Hau pinta hau-nia aman, inan, no hau-nia alin-mane.”

Ida-ne’e halo konfuzaun ba Tety, tanba pintura ne’e iha de’it mak uma, no lá-iha ema. Lá-iha tan buat seluk. Ho kalma, Tety husu ba labarik ne’e – “maibé o-nia ina-aman no o-nia maun?”. Mika hahú hamanasa – “sira hotu kedas iha uma!” Ema hotu hahú hamanasa. Maski iha tempu stress nian, sira sei bele halo kómiku.

Atividade badak ida-ne’e mak marka inísiu ba CVTL nia atividade seluk ne’ebe Juventude Voluntáriu organiza iha loron tuirmai. Sira moos aprende konabá oinsá prepara-an ba inundasaun no wainhira udan hamosu inundasaun bo’ot, ai-oan no plantasaun presija udan, ita presija udan atu bele fó bee mai ita hemu – sira fahe informasaun relasiona ho benefísiu husi udan no bee mai planeta. 

Bazeadu ba informasaun husi voluntáriu sira – wainhira labarik sira husik hela CVTL nia sentru evakuasaun (loron ualu hafoin akontese tiha inundasaun), labarik sira sente kontenti liu no kompriende konabá sa-ida mak akontese tiha ona. Obrigadu espesiál ba ami-nia voluntáriu sirane’ebe hetan nesesidade no responde kedas. Hein katak atividade hirak ne’e bele tulun labarik sira rekupera husi eventu trumátiku ne’e.

Aderito “Rega hamate ona susuk Aedes Aegypti 

Tuir Aderito Maia ne’ebe mak hela iha Aldeia Moris Foun, iha Díli, susuk Aedes Aegypti bain-bain moris iha bee ne’ebe nalihun iha vazu ai-funan, roda uzada, botir mamuk, kalen mamuk no seluk tan.

Iha       inísiu    Janeiru,           2022,   Aderito hateten katak Ministériu Saúde TimorLeste (mds) no Cruz Vermelha de

Timor-Leste (CVTL) seida’uk hala’o atividade rega susuk iha fatin ne’ebe ami hela. “Ami iha susuk barak loos, no ami lá-hatene oinsá mak atu kontrola susuk ne’e!. Maibé hafoin equipa rega CVTL nian mai, ami sente di’ak liu tan. Lá-iha susuk iha mak semo ba-mai – tanba ne’e ami bele toba ho di’ak iha kalan no sente seguru durante loron.”

Aderito moos hateten ba CVTL nia voluntáriu ho naran Guido Ferreira, iha 9/2/2022, ekipa mds no CVTL mai ami-nia fatin no hatudu mai ami, sa-ida ma kami bele halo atu hamoos fatin ne’ebe mak susuk bele tolun ba. Ami tenki hamoos uma-hun no fatin servisu, hamamuk kontentór hothotu ne’ebe halibur bee, inklui roda; asegura katak lá-iha fatin uma mak susuk bele moris ba.

Aderito sujere katak, di’ak liu tan se atividade rega susuk ne’e hala’o iha sidade Díli laran tomak no iha munisípiu hototu ne’ebe hetan ona surtu Dengue. Númeru dengue sa’e no rega bele tulun proteje komunidade. 

About dilipost

Check Also

Hasae Kualidade Saude, Jerente Saude Nain 25 Kontinua Tuir Formasaun

DILI Post – Ministra Saúde, Maria Odete Freitas Belo halo abertura formasaun ba jerente saúde …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement