Thursday , May 19 2022

Deskonfia Halakon Osan Partidu, FM Suspende Igidio Hosi Kargu Prezidente Interinu

DILI Post- Partidu Frenti Mudansa (FM) liu hosi forum, hasai rezolusaun ida hodi halo suspensaun kargu Prezidente Interinu Igídio de Jesus, tanba deskonfia halakon osan partidu nian hamutuk rihun $. 52,600.00.

Iha kazu liga ho Prezidente Interinu Igidio de Jesus halakon osan partidu nian tanba ne’e partidu foti desizaun hodi suspende Igídio de Jesus husi nia kargu atu kumpri prosesu sira ne’ebé dadaun ne’e la’o ona iha Tribunál Distrital Dili(TDD).

“Partidu nia osan lakon $ 52,600.00. Nia komete dala tolu primeiru $ 6,500.00, sai husi ANZ, print out mai nia naran bo’ot iha laran, segundu $. 23,000.00, terseiru $.23.000.00. Kazu ne’e iha tribunál hela, prosesu la’o hela,” informa, Cesar Vital Moreira iha Sede Frente Mudansa Vila Verde,Foin lalais ne’e.

Eis Ministro das Águas e Obras Públicas ne”e afirma tan estrutura partidu Frente Mudansa husi estrutura nasionál no munisípiu, realiza ekontru nasionál no debate ativu deskute planu asaun annuál partidu nian, hodi enfrenta Eleisaun Prezidensiál (ElPrez) tinan 2022 no Eleisaun Parlamentál (ElPar) 2023.

Rejulta husi enkontru nasionál ne’e, estrutura partidu Frente Mudansa konsege aprova asuntu importante haat mak hanesan, dahuluk, aprova esbosu planu asaun annuál partidu Frente Mudansa ba tinan 2022.

Daruak preparasaun ba konferénsia munisipál ne’ebé sei hahú iha fulan janeiru-marsu 2022. Datoluk kongresu nasionál sei realiza iha fulan marsu 2022.

Dahaat mak partidu liuhosi forum, hasai rezolusaun ida kona-ba suspensaun kargu Prezidente Interinu Igídio de Jesus, tanba deskonfia halakon osan partidu nian hamutuk rihun USD 52,600.00.

“Atu subtitui Igídio Jesus, nu’udar Prezidente Interinu, partidu Frente Mudansa liu hosi forum deside hodi nomeia, Abel da Costa Ximenes no Cesar Moreira, sei hala’o kna’ar nu’udar Ko-Prezidensia Partidu Frente -Mudansa ne’ebé interinamente sei fasilita preparasaun ba konfrénsia munisipál no kongresu extra-ordináriu partidu Frente Mudansa, iha tinan 2022”tenik nia

Hatan ba kestaun ne’e Eis Prezidente Interinu Igídio de Jesus rejeita deklarasaun sira husi Sekretáriu Jerál Frente Mudansa Ricardo Nheu ho nia maluk sira kona-ba halakon osan partidu nian, tanba kona-ba foti osan ne’e hetan asinatura husi Sekretáriu Jerál no Prezidente Interinu rasik.

“Kompeténsia ne’e ami na’in rua, (Ricardo Nheu ho Igídio de Jesus),
Prezidente i Sekretáriu, kuandu ami na’in rua ida la asina, osan labele sai iha ANZ. Portantu alegasoins sira ne’ebé 6 mil, 23 mil dehan 52 mil ne’e falsa, testamuña mentiras, tetamuña falsa dis amentiras, ida ohin ne’e mak testamuña fiel dis a verdade” konfirma Igídio. (cal)

About dilipost

Check Also

Kazu Insestu Kontinua Aumenta Iha Munisipiu Tolu

DILI Post – Sekretariu Estadu Igualdade no Inkluzaun (SEII), Maria do Rosario Fatima rekonese kazu …

Leave a Reply

Your email address will not be published.