Wednesday , June 16 2021

Deskonfia Konsumu Aimoruk Relasaun Sexual, MCS Mate Iha Apartementu Hudi Laran

Deskonfia motor ne’ebe para iha Apartementu Rafa Hudi Laran utiliza husi matebian

DILI Post- Atensaun makas ba sidadaun sira hotu liliu mane sira bainhira hakarak konsumu aimoruk atu halo relasaun sexual.

Kuarta feira ne’e, maizumenus oras meudia hetan sidadaun mane ida ho inisial MCS idade hat nulu resin iha Apartementu Rafa Hudi Laran Dili, ne’ebe laiha ona is no latan hela iha azulezu leten.

Sidadaun refere deskonfia  konsumu aimoruk hafoin halo relasaun ho feto ida ne’ebe lori malu ba iha ne’eba.

Tuir informasaun ne’ebe Dili Post asesu komfirma katak, MCS mate latan hela iha azulezu leten, enkuantu feto ne’ebe ba hamutuk halai husik hela nia.

Ekipa Servisu Investigasaun Kriminal no Saude hamutuk ho Polisia Eskuadra Dom Aleixo ne’ebe simu informasaun to’o kedas lokal de krime hodi halo identifikasaun, maibe MCS laiha ona is.

Ekipa Investigasaun asegura deit evidensia balun hanesan motorizada ne’ebe utiliza. Enkuanto mate isin lori ona ba Iha Hospital Nacional Guido Valadares Dili hodi submete ba autopsia.

To’o informasaun ne’e hatun, parte komando Munisipiu Dili seidauk aprezenta pozisaun. (**)

About dilipost

Check Also

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area …

Leave a Reply

Your email address will not be published. Required fields are marked *