Sunday , December 4 2022

Deskonfia MJ Iha ‘Mafia’ Ba Rai

DILI  Post—Reprezentante povu iha Uma Fukun Parlamentu Nasionál (PN) deskonfia iha ‘Mafia’ Konaba rai disputa Markoni. Hodi nune’e, liu husi sesaun plenaria Segunda-feira (19/09), PN husu ba Komisaun Anti Korupsaun (KAK), atu Investiga Ministeriu Justisa (MJ). Iha Governu oin mai labele iha tan problema konaba rai.

Rai pedasuk ne’ebá tuir kronolojia katak rai ne’e ninia estatutu ho Kosta Nova, Kosta Nova iha momentu ne’ebá sidadaun ida mak aluga ba Kompana Austrália hodi hala’o negosiu, ikus mai Estadu foti dehan ne’e rai Estadu. Deklara Deputada Maria Fernanda Lay, iha Plenaria PN.

Maibe rai ou kamplin ida iha sentru Klínika Demtral 333, ikus mai fo ba sidadaun ida hodi sai rai privadu no fo aluga ba ema estranjeiru. Ne’e duni, husu Governu liu husi MJ no Terras no Propriadade atu hare didi’ak Lei konaba rai, labele halo manipulasaun.

“Ha’u diskonfia ema ne’e servisu hamutuk ho ajentes Estadu nian atu hala’o kontratu ba rai. Ema ne’e uluk hela iha Fatu-Hada, nia rai mak uluk SOLS 24/7 aluga. nia fa’an tiha, depois bá hela iha Bali-Indonézia no agora mai fali ho diploma dehan rai ne’e ninian, konta Deputada ne’e.

Fernanda konta tuir katak, iha tinan 1984 mós nia hola rai iha ne’ebá. Rai na’in fahe hotu ho nia kamplin ho rai Estadu ninian. Governu iha tinan hirak liu ba. Momentu Governasaun anterior la fó aluga hodi hala’o bomba gazolina, tanba dehan rai Estadu.

Nia kompara liu tan, ohin ema ne’ebe refere ba deklara rai ne’e ninian, pior liu tan Xefi do Suku mós asina hodi kontribui ba krime ida ne’e. Ne’e duni nia la hatene se Ministeriu Obras Públiku (MOP) ou Terras Propriedade mak fo autorizasaun liga ho Alvarade Konstrusaun. Alvarade Konstrusaun la iha ona no ida ne’e, liga ho transformasaun rai liga ho kamplin ne’ebé rai nain fa’an iha tinan 1984.

Iha biban ida ne’e, Deputada Fernanda husu no fó atensaun liu-liu ba MJ, tanba ohin loron hela iha Sidade Dili, Timor iha ‘Mafia’ konaba rai ninian. Ne’e, la’ós foin primeira vez akontese. Deputadus lubuk ida maka foti ona konaba problema rai iha tempu pasadu, maibé iha nafatin ‘Mafia’.

“Ha’u diskonfia, ami rona iha konflitus ne’ebé akontese iha ne’ebá . Sorti joventude sira iha Markoni la baku ema sira ne’ebé ba hari’i besi, ha’u hateten ba sira labele baku, se la’e imi hala’o krimi,”konfesa Fernanda.

Tanba ne’e, labele akontese iha Timor, ema estranjeiru mai aluga rai, tuir nia hanoin dala ruma osan la iha, bá buka dokumentus falsu hodi bosok Governu Timor-Leste (TL) atu prátika asuntus ne’ebé hanesan iha vizinhos hala’o.

KAK Tenke Hala’o Investigasaun

Ne’e duni, dala ida tan husi ba KAK atu investiga MJ atu tau matan ba asuntu ne’ebe refere, atu labele lori problema mai iha Governasaun tuir mai. Husu mos ba Komisaun A iha PN ne’ebé trata asuntu konaba Konstitusional e Justisa atu tau matan ba ‘Mafia’ ne’ebé agora dadaun la’o iha rai laran.

Tanba, ema ida aluga rai ne’e fo tiha osan ho montante purvolta $50 mill, sein iha legalidade. Enkuantu sei nia lori ba Terras Propriedade maka hasai dokumentus haruka hapara oinsá, portantu agora nia bá tau lutu ona, saida maka sei akontese.

Fatin hanesan Deputada  Virgina Anabela,  sekunda Deputada Maria Fernanda Lay, no nia iha hanoin no preukupasaun hanesan. Dala ruma Governu lakon ninia autoridade. MJ kuaze la konsege rezolve asuntu hirak ne’e, bele hateten, Governu lakon ninia autoridade.

Karik loron ikus ema estranjeiru ida ou kompana ruma kualker ema ne’ebé iha osan hodi bele trava situasaun ida ne’e no hala’o tuir ninia hakarak entaun Governu lakon dunik ninia autoridade.

“Ha’u mós preokupa iha ‘Mafia’ iha laran. Se ida ne’e, akontese hein de’it iha tinan 10 oin mai, rai na’in la iha ona. Hatan ba kestaun ne’e, Governu liu husi Ministeriu dos Asuntus Parlamentár no Komunikasaun Sosiál (MAPKOMS) Francisco Martins da Costa Pereira Jerónimo, hatan problema rai oras ne’e MJ hala’o hela esforsu atu bele fo loloos ida ne’ebé na’in. Ida ne’ebé la’ós na’in ba rai, agora hahú hala’o hela identifikasaun hotu,”sublina Deputada Virgina.

Iha kestaun balun hanesan kazu barak ne’ebé akontese iha tinan hirak liu ba, tuir loloos la’ós na’in ba rai, maibé ikus mai sira hetan tiha títulu nain ba rai. Tanba ne’e, agora Ministeriu Públiku (MP) hala’o hela esforsu hodi identifika fila-fali. Atu nune’e, bele foti desizaun ne’ebé justu hodi sai na’in loloos ba rai. Sira mós sei informa tan informasaun ne’e  ba Primeiru Ministru (PM) konaba kazu iha Markoni ninian.(Che)

About dilipost

Check Also

Deskonfia Liman Kroat Na’ok Karau

DILI Post-Akontesimentu ne’ebe foin lalais, akontese iha baze. Riku soin povu hanesan animal haki’ak karau …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement