Tuesday , October 19 2021

Dili Sei Livre Husi Covid -19, Baucau Hein Rezultadu

DILI Post – Kinta feira kalan maizumenus tuku walu resin publiku iha Kapital Munisipiu Baucau hafofak ho evakuasaun ba familia ida ne’ebe kompostu husi ema nain sanulu resin ida husi ekipa integradu jestaun krize Covid -19.

Familia refere hetan evakuasaun tanba deskonfia iha relasaun sintomas Covid-19.

Ekipa ne’ebe to’o iha Dili kalan boot lori kedas sira a Karantina Hotel Novo Horizonte, hafoin submete ba teste swab.

Enkuantu  familia refere hetan evakuasaun tanba tuir informasaun iha sidadaun ida husi Kapital Dili maka desloka ba iha Baucau no iha relasaun sintomas Covid-19.

Rezultadu teste ba sira hotu tuir informasaun ne’ebe DILI Post asesu sei fo sai orsida lokoraik husi ekipa integradu Jestaun Krize iha Centru Convensoeis  Dili, Kaikoli.

Aliende nee, tuir informasaun familia balun iha kapital Dili ne’ebe iha kontaktu ho suspeitu relasaun Covid-19, Baucau parte jestaun krize halo ona evakuasaun hamutuk ema nain walu ne’ebe lori ona ba Karantina Tibar no nia rezultadu swab test mos sai ona no komprova negativu.

Tanba ne’e konsidera provizoriamente Dili sei livre hela husi Covid-19, maske to’o oras nee rasik seidauk realiza swab test masal.

Informasaun kumpletu ligadu sidadaun sanulu resin ida ne’ebe evakua husi Munisipiu Baucau sei anunsia ba publiku lokoraik ne’e. (Lya)

About dilipost

Check Also

Inspetor Xefi Mauclau Hakotu Iss iha HNGV

DILI Post-Ofisial Polisia Nasional Timor-Leste (PNTL), ho diviza Inseptor Xefi Mauclau Marcal Amaral Magno (49) …

Leave a Reply

Your email address will not be published. Required fields are marked *