Monday , August 8 2022

Distribuisaun Xesta Bazika, Númeru Familia Barak Hetan Redusan

DILI Post- Benefisiariu iha suku Bebonuk, Postu Administrativu Dom Aleixo, Munisipiu Dili, hahu ona simu programa xesta bazika.

Maibé, iha distribuisaun xesta bazika ne`e, iha benefisiariu barak mak hetan redusaun númeru familia.

“Ha`u iha oan nain sia (7), ne`ebé tau iha iha ficha de familia. Maibé, ba simu xesta bazika, iha deit labarik nain haat mak ninia naran iha atu simu no sira seluk naran laiha,” dehan benefisiariu suku Bebonuk, Duarte Loe ba Dili Post, ohin iha Aimutin.

Ho naran labarik ne`ebé mak hetan redusaun hosi lista simu xesta bazika, benefisiariu ne`e halo kedas reklamasaun ba iha xefe suku, atu tau konsederasaun.

Nia mós husu nafatin ba iha Governu, liuhosi Ministériu Kooredenador Asuntu Ekonomika (MKAE) atu prosesa lalais ba reklamasaun ne`ebé mak benefisiariu sira hatama.

Antes ne`e mós deputadu bankada Partidu Demokratika (PD), Antonio da Concencao mós preokupa. Tanba, bazea ba iha ficha de familia hodi kontepla ona númeru ema iha uma kain ninia. Maibé, barak mak hetan redasaun.

Nia duni nia husu ba MKAE atu halo esplikasaun tanba saida mak halo redusaun numeru familia iha uma kain ida.

Hatan ba iha kestaun ne`e, Ministru Koordenador Asuntu Ekonomikus, Joaquin Amaral husu ba númeru familia ne`ebé mak hetan redasaun korte, atu hato`o reklamasaun.

Tanbá, governu laiha intensaun atu halo redasaun ba iha kortes sira ne`e, sidadaun sira ne`ebé mak sente sira nia membru familia hetan redusaun tenke hato`o ba iha Xefe Suku nomos Administrador sira. Tanbá, sira mos hola parte iha programa ne`ee.

Hodi nune`e sir abele prosesa no verifika, atu nune bele fó fila-fali direitu ne`ebé mak benefisiariu sira merese atu hetan.(assa)

About dilipost

Check Also

Troféu Mundial Vizita Oras 6 Iha TL,Gasta 40 Mil Povu Hare Husi Do’ok

DILI Post- Ho Vizita Espesial husi Troféu Kopa Mundial mai Timor Leste (TL), antes ne’e …

Leave a Reply

Your email address will not be published.