Tuesday , June 28 2022

Domingos Konsideira Funsiunariu Palasiu Governu “Matan Delek”

DILI Post-Komandante Tranzitu Komandu Polisia Munisipiu Dili, Inspetor Polisia, Domingos Sarmento Gama konsideira funsiunariu Palasiu Governu ‘matan delek’ tanba para kareta la’os iha fatin estasionamentu.

“Agora dadauk ita iha resintu Palasiu Governu, iha ne’e iha sinais ne’ebe mak destaka iha ne’e katak probiudu atu halo estasionamentu, maibe ita nian kondutores sira ne’e laiha ida iha konsensia katak fatin ne’e labele halo estsiomanetu,” dehan Gama ba jornalista, hafoin halo operasaun iha estrada publiku besik resintu Palasiu Governu nian oin, Segunda (09/05) ohin.

Tuir nia, iha lei kodiku estrada artigu 120 ko’alia konaba rekejitus atu hetan karta kondusaun, ema tenke iha saude, no fizika ne’ebe mak di’ak.

“Se ema halo estasionamentu, ka halo parazen iha sinais ne’ebe koloka hela katak ema labele para, maibe nia para, signifika ema ne’e matan aat, no la normal tanba la kunese sinais ne’ebe koloka ona iha fatin refere,” lamenta Gama.

Alende ne’e, nia konsideira sidadaun sira ne’ebe para kareta iha estrada publiku besik resintu Palasiu Governu nian hanesan unalafabetus (la hatene le no hakerek).

“Ema sira hanesan ne’e la merese atu hetan karta kondusaun, tanba la priense rekejitus,” afirma Gama.

Tuir nia, maioria funsiunariu Palasiu Governu sira maka halo estasionamentu iha sinais ne’ebe maka bandu atu halo estasionamentu, tanba ne’e grave tebes.

Tan ne’e, nia parte lamenta ho atitude refere, no sei la tolera ba funsiunariu publiku ne’ebe mak kontinua viola lei kodiku estrada.

Ne’e duni, nia dehan sidadaun di’ak tenke kumpri, no halo tuir lei sira ne’ebe maka ita nian estadu estabelese.

“Ita labele tolera ema sira hanesan ne’e, tanba funsiunariu ida ne’ebe la fo exemplu ne’e hatun imajen governu nian” tenik Gama.

Nia hatutan, tuir lolos funisunariu publiku nudar intelektuais tenke sai exemplu ba sidadaun babain sira atu bele kumpri no respeita ba lei kodiku estrada.

Enkuantu iha operasaun ne’e polisia tranzitu konsege prende kareta hamutuk 10 hodi pasa multa ba kareta hirak ne’e.

Tuir Komandante multa ne’ebe aplika ba sira ho osan $ minima 9 dolares, masima 45 dolares, maibe polisia aplika masima, tanba ho razaun lei kodiku estrada vigiora kleur ona. (pogo)

About dilipost

Check Also

PNTL-TLPDP Realiza Seminar Auditoria Ba Planu Estratejiku Dezenvolvimentu

DILI Post-Polisia Nasionál Timor-Leste (PNTL), hamutuk Timor-Leste Police Development Programe (TLPDP) realiza seminariu ida hodi …

Leave a Reply

Your email address will not be published.