Monday , September 27 2021

Dosente Ensinu Superior Maioria Hetan Vasina, Posibilidade Sei Hahu Aula Prezensial

Dili Post -Ministru Ensinu Superior Siensia no Kultura (MESSK) Longuinhos dos Santos informa Dosente husi ensinu superior publiku no privadu maioria simu ona vasina, posibilidade bele hahu ona aula prezensial.

Tanba, tuir nia iha instituisaun superior tantu publiku no privadu sira nia envolvimentu partisipa ona ba prosesu vasinasaun, iha funsionariu ka dosente sira kuaze maioria sira simu ona vasinasaun.

Maibe, nia dehan partisipasaun taxa vasina estudante sira mak kiik.

“Ita iha metolojia ida, posibilidade hetan rekomendasoes pozitivu husi Ministeriu Saude (MS) atu reativa aulas prezensial, nee ita sei koopera ho sira saude atu ekipa vasina tenke kontinua ba estudante sira.Tanba, vasinasaun dalan uniku ne’ebe mak atu bele prevene virus nee, labele halo propagasaun ba komunidade nia leet,”afirma Ministru Longuinhos ba jornalista, iha salaun Delta Nova-Dili, Kinta (29/07).

Governante ne’e hatutan, ho partisipasaun minimu estudante sira balun iha foho seidauk asesu iha ne’eba. Maibe, nia fiar katak responsabel husi Reitor no prezidente sira tantu publiku no privadu espera vasina ba estudante sira sei aumenta.

Nune’e mos aulas prezensial ba aprendizajen, ne’e bele mos prenxe rekezitus sira hanesan kartaun tenke iha.

Aliende ne’e, nia mos relata tuir informasaun hatoo husi MS katak, variante virus foun delta agora dadauk tama ona iha Timor Leste.

“Ida ne’e ameasa ona ba ita, dalan uniku ka estratejia vasina para bele prevene moras variante delta,” hateten Ministru Longuinhos

Nia akresenta, tuir monitorizasaun no fiskalizasaun husi diresaun ensinu superior ba inspesaun jeral seidauk iha presentajen ne’eebe serteja, maibe iha dadus kona ba funsionariu no dosente sira ne’e maioria hetan ona vasina.

“Estudante sira maske aulas prezensial seidauk hahu husu ho konsiensia katak sira hanesan ema komunidade akademika nian, atu bele sai ezemplar ba sosiedade sira, para hatudu sira maka sai hanesan mata dalan ba prosesu tomak liu-liu ba prevene moras covid” sureje Governante ne’e.

Ne’e duni, nia dehan objetivu husi reuniaun Konsellu Reitor nee mak reuniaun ida atu bele troka hanoin ka ideias kona ba balansu faze atividade konfinamentu, suspensaun leativas prezensial ensinu superior nian, rekooperasaun aulas ba ensinu superior sira.

No informa mos lina kreditu kualidade mais ba ensinu superior sira, tanba hetan ona promulgasaun husi Prezidente Republika.

Tan ne’e, nia relata sei fahe ekipamentu prevensaun covid-19 hanesan maskra 310.000, Hand Sanitizer 2.000, sabaun fase liman 10.000 no termo scanner 40, ida n’ee sei fahe simbolika ba ensinu superior publiku no privada.

Fatin hanesan Reitor IOB, Pedro Ximenes haktuir, funsionariu no dosente tenke hetan ona vasina maizumenus doze 1 ka se diak liu kompleta ona doze segundu.

“Ita iha funsionariu IOB 99% maka hetan ona vasina, ba sira ne’ebe mak seidauk hetan tanba balun isin rua, foin tuur ahi ne’ebe fo susu ba nia oan, entaun ne’e labele simu vasina,”haktuit nia.

Nia dehan tan kona ba estudante sira tau ona kondisaun ne’ebe diak ba sira ne’ebe iha ona kartaun vasinasaun ka vasina dala ida mak sei tuir aulas prezensial iha kampus no sira ne’ebe seidauk vasina labele tuir aulas.

“Durante nee hahu husi fulan Abril IOB providensia hela aprendizajen online, ne’ebe ita mos rekoinese katak iha frakeza iha aulas online,tan ne’e mak ita aulas prezensial hodi reforsa fali aulas online ne’ebe estudante sira hetan,”hakotu nia.(AnY)

About dilipost

Check Also

SEJD Apoiu $ 40 Mill Ba Formasaun Joven Iha Hospitalidade

DILI Post- Sekretariu Estadu Joventude no Deportu (SEJD) apoiu fundus $ 40 mill ba iha …

Leave a Reply

Your email address will not be published. Required fields are marked *