Sunday , September 26 2021

Eis Milisia Nia Oan Balun Sai Kandidatu F-FDTL

DILI Post- Reprezentante povu iha Parlamentu Nasional preokupa ho sistema rekrutamentu ba kandidatura Falintil-Forsa Defeza Timor Leste (F-FDTL).

Lamentasois ne’e hato’o husi deputadu, Francisco David tanba agora dadaun lista naran kandidatutura F-FDTL ne’ebe taka balun uluk inan-aman milisia agora sei hela iha Atambu Indonezia.

Tan ne’e, nia husu ba governu atu buka tuir kandidatura ne’ebe ninia naran sai iha rekrumanetu F-FDTL.

Presiza buka tuir sira nia familia no visa avo sira tanba agora barak mak ninia inan-aman sei hela iha Atambua Indonezia.

“Inan aman sei hela iha Atambua Indonezia maibe sira nia oan sira tama iha F-FDTL no PNTL,” afirma deputadu Francisco iha Parlamentu Nasional, Segunda (31/5).

Reprezebtante povu ne’e dehan ema hirak ne’e atetude ladiak tan ne’e presiza investiga halo didiak no atu halo rekrutamentu tenke buka tuir ema sira ne’e.

Tanba, tuir nia prosesu rekonsializasaun laos atu fo oportunidade ba sira atu mai okupa fatin.

Jerasaun ne’ebe terus ba rai ida ne’e barak mak to’o agora seidauk hetan oportunudade no la hetan servisu.

Fatin hanesan deputadu, Liandro Lobato sujere ba governu atu halo rekrutamentu ba F-FDTL tenke hanesan ho Indonezia ninia tenke liu husi Litsus.

Tanba iha Munisipiu Liquisa ninia iha lista final ba iha rekrutamentu F-FDTL niinia hamosu deskontenti iha rai Liquisa.

Tan deit iha postu Administrativu Bazartete mosu kandidatu ida ne’ebe mak ninia aman asasinu ida ne’ebe uluk halo presaun ba iha rejistensira sira.

“Kandidatu ne’e ninia aman uluk baku rejistensia sira no agora dadaun ninia oan naran sai iha prosesu rekrutamentu ba F-FDTL,” kestiona Liandro.

Ne’e duni, nia fo hanoin ba governu atu halo rekrutamentu tenke liu husi sistema Litsus nune bele hatene ema ninia bekraun familia.

“Agora ema protesta naran ida ne’e,no orsida hau bele inkamina ema ninia naran,” tenik nia.(asa)

About dilipost

Check Also

L7 Vizita Edifisiu PolTranz Hare Kondisaun Ne’ebe Sira Infrenta

Deputadu ,Cornelio da Conceicao Gama “L7” DILI Post- Vise Prezidente Komisaun B trata asuntu defeza …

One comment

  1. Amaral Quintino

    Parabens ba Nai deputadu Sira Nia preukupasaun knb recrutamento F-FDTL, obrigado

Leave a Reply

Your email address will not be published. Required fields are marked *