Saturday , October 1 2022

Ekipa Konjunta Kaptura Sidadaun Estranjeiru Nain 37

DILI Post- Ekipa servisu kunjunta, ne’ebe kompostu husi, Servisu Migrasaun, IGT, Tributaria, PNSIK ne’ebe lidera husi AIFAESA, halao atividade operasaun konjunta no konsege halo kapturasaun ba sidadaun estranjeiru na’in 37, iha area Fatuhada no Hudi Laran Dili tanba uza vistu turista ba halo atividade komersial.

Komandante Sektor Operasaun Servisu Migrasaun, Inspetor polisia, Ernesto Maia, deklara sidadaun hirak ne’e kaptura liuhusi operasaun konjunta konjunta.

“Durante loron lima nia laran ita halo operasaun konjunta hamutuk ho IGT, Tributaria, PNSIK, MTCI ne’ebe lidera husi AIFAESA, tama sai fatin hotelaria, karaoke no massage iha Dili laran hodi halo inspesaun ba sidadaun estranjeru sira no konsege asegura sidadaun nain 37 kompostu hosi feto 16, mane nain 21 no ekipa konjunta lori sidadaun estranjeiru hirak ne’e ba edifisiu Migrasaun, Ministériu Interior, Villa Verde hodi submete ba prosesu investigasaun”, relata Ernesto, iha nia knar fatin Vila-Verde, Segunda horseik.

Nia dehan, inspesaun ne’e parte Migrasaun hare liu ba pasaporte no violasaun vistu, AIFAESA hare ba presu no data produtu enkuantu MTCI hare liu ba dokumentus lisensa kompañia hirak ne’ebe halo atividades komersial.

“Sidadaun estranjeiru nain 37 hosi Indonezia, Malazia no Cambodia, agora daudaun ita halo hela prosesu identifikasaun no iha nain 5 mak seidauk mai aprezenta an iha sede Migrasaun” haktuir Ernesto.

Nia afirma, sidadaun estranjeiru sira ne’ebe viola lei sei aplika sansaun selu multa, maibe sira ne’ebe rekuza nia parte sei submete lista naran sidadaun sira nian ba iha Ministeriu Publiku atu prosesa tuir lei.

“Agora prosesu investigasaun la’o hela iha fatin imigrasaun nian, ami halo identifikasaun hafoin sei koordena ho Ministériu Públiku (MP) para bele hetan orientasaun tuir mai, karik iha indísiu forte ba pratika trafiku humanu nian no krime seluk tan,” tenik Ernesto.

Ne’e duni, nia nafatin apela ba komunidade hotu-hotu atu halo kooperasaun diak ho autoridade seguransa karik deskonfia ema balu halo pratika trafiku humanu nian bele informa lalais ba parte seguransa. (*pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement