Friday , July 30 2021

Ema 12.000 Mak Sofre Ma-nutrisaun Iha TL

Dili Post — Tuir dadus ne’ebé organizasaun husi internasionál World Food Programme (WFP) ema hamutuk 12.000 mak sofre ma-nutrisaun iha Timor-Leste.

Country Director WFP, Dageng Liu hateten, daudaun ne’e WFP servisu hamutuk ho departamentu nutrisaun ministériu saúde nian atu buka fundu husi parseiru sira, nune’e bele kombate ma-nutrisaun.

“Ami buka hela fundu husi doadores liu-liu xina iha komitmentu atu apoia ita para hahán suplementar ba labarik sira tinan lima mai kraik, no mós ai-han ba inan isin-rua sira, orsamentu ida-ne’e ita sei apoiu 12 mill pessoas ma-nutrisaun iha Timor-Leste,” dehan Dageng Liu, hafoin hasoru malu ho Primeiru Ministru, Taur Matan Ruak, iha rezidénsia Farol-Dili, (15/06).

Iha tinan 2020, WFP servisu hamutuk ho UNICEF no mós Ministériu Finansas konsege halo levantamentu dadus kona-ba seguransa ai-han, iha ne’ebé Timor-Leste tama iha nível moderadu, tanba raes badak mak sei barak.

“Raes badak sei barak signifika katak, ita sei hamlaha ida subar, la’ós ida hahán laiha ne’e la’e, maibé iha kada mineral ho vitamina sira mak balun la to’o,” haktuir nia.

Nia hatutan, atu kombate ma-nutrisaun iha Timor-Leste, Dageng afirma, governu labele hamrik mesak, maibé, presiza servisu hamutuk ho parseiru no ajénsia internasionál sira.

No mós husu timoroan sira atu muda kustume Timor nian, tanba kultura Timor nian lulik fali hahán sira-ne’ebé iha nutrisaun di’ak.

“Ezemplu, karik ita-nia munisípiu balun dehan lulik ida-ne’e, enkuantu hahán ne’e nutritivu mai ita,” tenik Dageng.

Maibé, WFP kontinua halo kampaña kona-ba hahán nutrisaun iha Timor-Leste, nune’e bele muda ema-nia hanoin, tanba iha ema balun seidauk komprende didi’ak kona-ba hahán nutritivu ne’e rasik.(ajo)

About dilipost

Check Also

MKAE Atualiza Prosesu Adezaun Ba Organizasaun Mundial Komersiu

DILI Post- Ministro Koordenador asustus ekonomiku(MKAE) Joaquim Amaral enkontru ho primeiru Ministro Taur Matan Ruak …

Leave a Reply

Your email address will not be published. Required fields are marked *