Wednesday , June 16 2021

Ema 93.525 Simu Ona Vasina AstraZeneca Doze Dahuluk

Dili Post — To’o horseik Tersa loron 8 fulan-juñu 2021, ema hamutuk na’in 93.525 mak simu ona vasina AstraZeneca doze dahuluk husi vasina kontra Covid-19 iha Timor-Leste ne’ebé reprezenta husi 12%.

Dadus refere Vise Primeira-Ministra no Ministra Solidariedade Sosial no Inkluzaun (MSSI), Armanda Berta dos Santos, hamutuk ho membru komisaun komisaun interministerial ba elaborasaun no koordenasaun ba ezekusaun planu vasinasaun kontra covid-19 ba konsellu ministru.

Ministru Prezidénsia Konsellu Ministru, Fidelis Leite Magalhães hateten, dadus refere kompleta ho rítmu vasina no mós dezafius ne’ebé mebru komisaun interministerial sira hasoru iha durante implementasaun.

“Iha aprezentasaun ne’e hato’o ho detallas kona-ba rítmu vasina nian, dezafius hirak ne’ebé mak hasoru iha terenu, disponibilidade vasina nian, kolaborasaun esforsu kona-ba oinsá kombate miss informasaun, propaganda,” dehan Ministru Fidelis Magalhães, kuarta (09/06/21) iha ministériu finansas.

Komisaun interministerial ne’e mós halo esforsu atu kombate informasaun falsu sira ne’ebé mak esplla iha públiku hodi estraga esforsu ekipa nian atu intensifika liután hoi hetan tan aimoruk vasina husi li’ur.

Tanba ne’e, konsellu ministru nafatin ejize funsionáriu públiku sira atu simu vasina, nune’e bele sai ezemplu ba sidadaun sira.

“Konsellu ministru ejize liután par funsionáriu públiku sira atu sai ezemplu iha esforsu nasional vasinasaun atu-bele hetan vasina, no hafoin hetan vasina mak ba iha servisu fatin,” dehan nia.

Husi númeru 93.525 ne’e, reprezenta 12% husi populasaun ho tinan 18 ba leten, iha Dili, munisipiu ne’ebé mak afetadu liu ho surtu covid-19, doze dahuluk fó ona ba ema hamutuk 80.948, ne’ebé reprezenta 40% husi populasaun tinan 18 ba leten.

Tuir planu vasinasaun, sei kontinua fó vasina doze dahuluk ba populasaun ne’ebé seidauk simu vasina Sinova no AstraZeneca iha munisípiu Dili, inklui vasina ne’ebé mai tan husi mekanizmu covax sei hahú distribui faze daruak vasina AstraZeneca iha Timor laran tomak ba populasaun sira-ne’ebé vasina ona iha faze dahuluk.(ajo)

About dilipost

Check Also

MS Lansa Vasina AstraZeneca Doze daruak Hodi Kombate Covid-19

DILI Post- Governu Timor-Leste liu husi Ministeriu Saude(MS) halao Serimonia lansamentu vasina Astra Zeneka doze …

Leave a Reply

Your email address will not be published. Required fields are marked *