Tuesday , January 24 2023

Ema deskonesidu Oho Joven Ida Iha Elemloi

DILI Post- Ema deskonesidu oho joven Isac Sinarai da Costa (20) iha área Elemboi Delta III suku Comoro, Postu Administrativu Dom Aleixo Munisipiu Dili.

Matebian sai husi uma iha tuku 9: 00 kalan hodi ba hemu tua hamutuk ho nia kolega iha vizinu sira nia uma área São José Ai- Mutin.

Ho nune’e mosu dezentedimentu balun entre vitima ho nia maluk sira iha fatin ne’ebé sira hemu hela tua ba no matebian sai atu ba iha nia avo sira iha Fatuhada.

Maibe, derepenti iha tuku 2 madrugada hetan oho husi ema deskoñesidu iha área Elemloi nian.

Aman husi matebinan, Sinarai da Costa,haktuir katak matebian sai husi uma maizumenus tuku 9:00 kalan, ba hemu tua iha vizinu ida nia uma iha área Sãoo José.

“Ha’u ladun hatene klaru kronolojia, maibé informasaun ne’ebé iha katak matebian ho nia kolega nain lima hemu tua hamutuk, entaun iha ne’ebé sira tolok malu tanba de’it haksesuk sigaru lolon ida, entaun vitima halai hodi ba iha nia avo sira iha Fatuhada, maibé derepenti iha tuku 2:00 ha’u rona ema hakilar ema oho ema,ha’u mós hare ne’e ha’u nia oan,” hasara aman husi matebian ba Jornalista iha Elemloi Delta, Sesta (06/01).

Nia hatutan katak iha ema ida ho motór halai liuhusi fatin ne’ebá hit matebian tanba iss sei iha hela ema ne’e ho motór transporta matabian ba sentru saúde Comoro, to’o iha ne’ebá matebian hakotu iis.

“Matebian durante ne’e laiha problema ho ema ruma nia. Maibé, ho nia mate ne’e halo ha’u hanesan aman hakfodak,” tenik nia.

Entertantu tuir obeservasaun jornalista Dili Post hare iha terenu katak, dadaun ne’e Polisia dada ona lina polisia iha fatin akontesimentu no parte serbisu Investigasaun kriminál rekolla ona CCTV iha loza ne’ebé matebian hetan oho, inklui halibur sasin balun ba iha kazu ne’e hodi ba prosesu investigasaun.(AL)

About dilipost

Check Also

Deskonfia Liman Kroat Na’ok Karau

DILI Post-Akontesimentu ne’ebe foin lalais, akontese iha baze. Riku soin povu hanesan animal haki’ak karau …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement