Friday , July 30 2021

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area Maumali, Aldeia Samelaun, Suku Ritabou, Postu Administrativu Maliana Villa, Mumisipiu Bobonaro.

Kazu homesidu ne’e akontese iha loron Segunda Feira (7/06) mais ou menus tuku 1:00 madrugada ne’ebe diskunfia iha joven balun halo asaun agresaun fiziku hasoru Costodiu iha area Maumali ho kondisaun grave hafoin transporta kedan mai Hospital Nasional Guidu Valadares (HNGV), maibe Sesta Feira (11/06) ne’e matebian hakotu iis.

Tuir informasaun ne’ebe fo sai hosi Xefi Suku Ritabou, Maximiano dos Santos de Araujo hateten, kazu homesidu ne’e akontese iha area Maumali, maibe konaba motivu hosi kazu refere nia parte seidauk hatene.

“Ita seidauk identifika lolos kazu ne’e akontese tansa, tanba agora de’it ita seidauk identifika lolos se mak komete iha kazu refere, ” dehan nia via telefone , Segunda (14/06) ohin.

Maske nune’e, nia dehan hafoin halot mate isin nudar autoridade lokal sei kopera parte autoridade siguransa hodi bele identika autor lolos no motivu hosi kazu refere.

Nia dehan, kazu ne’e tuir informasaun ne’ebe autoridade lokal ne’e hetan katak involve hosi grupu arte marisias balun.

“Ida ne’e tuir ita haree horseik mate isin lori mai ne’e liga ba iha grupu arte marsias, ” katak nia.

Nia haktuir, hosi kazu refere rezulta uma tolu hetan estragus tanba motivu hosi aslata malu entre joven sira iha suku Ritabou hafoin lori mate isin hosi Dili fila ba ninia rezidensia Maliana.

Nia hatutan, to’o oras ne’e parte siguransa kompostu PNTL liu hosi Unidade Espesial Polisia, no Falentil Forsa Defeza Timor Leste.

Dezde horseik lori mate isin to’o mai mosu problema oituan mais agora situasaun normal hikas.


Tuir planu mate isin Costodio Antonio de Fatima Pascoal Sei halot orsida lokriak tuir tradisaun kultrura area ne’eba nian.

Enkuantu wainhira Jornalista tenta konfirma kazu refere ba iha Komandante Interinu Komandu Polisia Munisipiu Bobonaro, Superintendente Polisia Antonio Mauluta, maibe komandante la atende telefone. (mark)

About dilipost

Check Also

Loron Falintil Sei Prienxe Ho “Tour Falintil Dalan Ba Dame” Iha Ainaro

DILI- Post Xefi Estadu Maiór Jenerál Falintil-Forsa Defeza Timor Leste (F-FDTL) Tenente Jenerál Lere Anan …

Leave a Reply

Your email address will not be published. Required fields are marked *