Sunday , September 26 2021

Embaixada TL Entrega Ba Governu Lokal Korea Buka João Nia Isin Lolon

DILI Post- Embaixada Timor-Leste (TL) ba Korea do Sul entrega ona ba Governu lokal no polítima marítima korea do sul nian atu buka tuir traballadór João Carlos Rosario ninia isin loloon ne’ebé monu husi ró tun ba tasi laran.

Diretor Nasionál dos Assuntus Konsulares no Komunidades Timorense, Hermínio da Silva Pinto informa, João Carlos Rosario nu’udar traballadór ne’ebé servisu iha área peskas nian, hetan asindente iha loron 24 marsu iha meudia tuku 12h04pm.

“Traballadór ne’e servisu iha peskas depois de monu husi ró iha dia 24, ne’ebé foin dadaun ita-nia emaixada liu husi ita-nia embaixadór no diplomata sira adidu, agora sira entrega direta ba governu lokal polísia, agora daudaun sira buka hela. Nia isin seidauk hetan to’o agora, mais polísia marítima hamutuk ho kompañia na’in sira agora daudauk esforsu makas par atu buka,” dehan Diretór,Hermínio da Silva, ba Dili Post, via telefone Segunda (29/03/21).

Hermínio da Silva hatutan, Embaixadora Timor-Leste ba Korea do Sul, Adaljia Ximenes hamutuk ho diplomata no adidu traballadór iha Korea, forma ona ekipa ida atu servisu hamutuk ho autoridade korea, no mós parte kompañia Yuso hodi buka tui traballadór refere nia isin loloon.

“Ohin ita-nia embaixadora Adaljiza Ximenes no mós diplomata sira ohin halo enkontru ida, no mós sira haruka ona ekipa ida ba atu koordena di’ak liután polísia sira iha ne’ebá par atu-bele buka tuir ita-nia sidadaun ne’e,” hateten Diretór Hermínio.

Entretantu, traballadór João Carlos Rosario husi Bobonaru, ho idade 24, no servisu iha kompañia peskas Yuso. No asidente ne’e akontese iha loron 24 fulan-marsu foin lalais ne’e.(ajo)

About dilipost

Check Also

PR Lu Olo Konkorda Fo Apoiu Finanseiru Ba Sira Ne’ebe Mate Hafoin Simu Vasina

DILI Post – Prezidente Repúblika (PR) Francisco Guerres ‘Lu olo’ konkorda fó apoiu finanseiru karik …

Leave a Reply

Your email address will not be published. Required fields are marked *