Wednesday , June 16 2021

Eskola Online Laiha Benefísiu Ba Estudante

Dili Post — Eis Primeiru-Ministru (PM), José Ramos Horta afirma, eskola online sei la fó benefísiu ba estudante sira, tanba presiza telefone ne’ebé kualidade ho internet ne’ebé mak di’ak.

Premiadu Nobel da Páz, José Ramos Horta hato’o pedidu ne’e, relasiona ho komemorasaun loron mundial labarik ne’ebé monu iha dia 1 fulan-juñu ne’e.

Horta dehan, estudante universitáriu barak mak hato’o ona sira-nia preukupasaun ba nia relasiona implementasaun eskola online, tanba eskola online de’it, maibé kada fulan tenki selu nafatin semester.

“Timor problema boot mak ida-ne’e, ha’u simu estudante balun mai ko’alia ho ha’u, horseik simu ida mai to’o iha ha’u-nia uma hateten, ami tanba covid-19, ami estuda online mais selu nafatin universidade, maibé online o preiza telefone ida di’ak kualidade, o presiza telefone ou laptop, Ipad, presiza internet lalais labele karun, estuda online ne’e teóriku de’it, akadémiku de’it, realidade la benefisia liu,” dehan eis PM ne’e ba jornalista, iha Farol-Dili, Tersa (01/06).

Eis Prezidente Repúblika ne’e konsidera, eskola online ne’e estudante sira aprende de’it teórika akadémika, maibé laiha benefísiu ba estudante sira, tanba ne’e benefisia de’it mak estudante ne’ebé mak osan iha.

“Entaun signifika sira ki’ik-oan liután ne’e iha pre-primáriu ga primáriu ne’e kuitadu lalika mehi sira aprende buat ruma, ha’u bele hateten, sekallar nein 1% mak benefisia online,” dehan Horta.

Diplomata señiór ne’e dehan, konsekuénsia husi covid-19 no krize ekonómiku mundial ne’e la’ós afeta de’it ba Timor-Leste, tanba fulan 6 no tinan ida li ba afeta ba sentenas labarik iha mundu.

“Oinsá par rezolve ida-ne’e mak ne’e, pur-ezemplu, se professor sira hotu-hotu halo vasina, seidauk iha vasina ba ki’ik-oan sira, mas ita buka vasina ba 30 anos ba kraik, primeiru-ministru hatete daudaun ne’e, ne’e ha’u mós tenki ba konsentra ba ida-ne’e haree vasina ida-ne’ebé mak bele mai Timor extra espesialmente ba sira ne’ebé menus 30 anos to’o ki’ik,” hakotu nia.(ajo)

About dilipost

Check Also

Ema Ho Defisiensia Nain 24 Mil Asesu Ona Edukasaun Inkluzivu

DILI Post – Tuir dadus neebé mak Assosiasaun Defisiensia Timor-Leste (ADTL) simu husi Ministériu Edukasaun …

Leave a Reply

Your email address will not be published. Required fields are marked *