Saturday , December 3 2022

Eskola Puerema Ameasa Vida Estudante

DILI Post-Ensinu Baziku Filial (EBF), ne’ebe lokaliza iha area Puerema, Suku Milego, Postu Administrativu Kailaku, Munisipiu Bobonaru, kondisaun uma eskola grave tebes bainhira tempu udan no anin fo ameasa boot ba estudante, professor inklui komponente ne’ebe hala’o prosesu aprendizajen iha fatin refere ninia vida.

Problema ne’ebe durante mestre ho alunus sira enfrenta husi inisiu hari eskola 2004 ate a data, problema kakuluk taka ho au de’it. Depois 2009 hahu eskola, hari pakote Referendum taka ho kalen. Mais nafatin didin, depois uza iha 2010. Maibe, agora kondisaun la di’ak. Lia fuan halerik hirak ne’e kestiona husi Koordenador EBF Puerema Rosalino Maupelo, ba Jornalista hafoin partisipa Dialogu Nasional entre organizasaun Sosiedade Sivil ho Governu iha Puerema-Loelaku, foin lalais ne’e.

Tuir Kordenador ne’e, hanesan professor husu ba Governu, liu-liu Ministeriu Edukasaun Juventude no Desportu (MEJD) atu hari’i no reabilita hikas uma eskola no hala’o rekrutamentu ba profesor, tanba eskola refere la iha professor.

Nia hatutan, eskola fiziku la di’ak hahu husi 2009, hanesan Kordenador hahu inisiu hanorin kedas iha eskola refere hatene klaru sa obtaklu ou difikuldade ne’ebe sira enfrenta.

Hanesan Kordenador Eskola husu loke kedas, karik bele pakote Referendum akaba ona, hari’i hikas eskola foun ba komunidade, atu nune’e sira oan bele asesu ba edukasaun.

Nia konta, iha tempu udan komunidade trauma ba sira nia oan mai eskola. Tanba, ai ‘kuda-kuda,’ ai simu kalen no didin dodok no besik monu, karik eskola monu komunidade sira ta’uk sira nia ona vida, tanba udan no anin sempre mosu ho volume boot.

Konaba aula eskola iha tolu (3), profesor momentu hahu ema barak, agora sira muda hotu ona ba fatin seluk. Dadaun ne’e profesur la iha. Agora hela nia mesak ho voluntariu na’in ida (1) ho permanente maka nia rasik hanesan Kordenador. Total Alunus na’in 40. Profesor voluntariu refere hala’o kna’ar tinan haat (4), besik ba lima.

Rekomendasaun ba Ministeriu Edukasaun Juventude Desportu  mak fízikamente tenke harii eskola no rekruta profesor, kona-ba ekipamentu eskola ne’e diresaun hatene, livru, meza no kadeira sira ne’e iha sufisiente, fizika ba uma ho profesor de’it mak problema.

“Ami nia rekomendasaun ba governu eskola ne’e harii nafatin iha ne’e tanba Postu Administrativu Kailaku nia husar mak iha ne’e,” dehan nia. Enkuantu, Difikuldade mak estrada laiha, ke ho liman, depois ida seluk mak eskola la asesu ba eletrisidade tanba iha ne’e area rural, alunus mai husi suku rua, suku Milegu ho suku Genulai.

MEJD Tenke Responde Preukupasaun

Entretantu, vise MEJD Antonio Guterres, hatan ba preokupasaun hirak ne’e, ba eskola Pakote Referendum tama ona iha estudu viabilidade atu hala’o foun hotu. Liu husi Orsamenetu Jeral Estadu (OJE) tinan ida ne’e. Liu husi kategoria haat, ida liu husi Tranferensia Publika Projetu Komunitariu (TPPK) ne’ebe agora la’o inklui Munisipiu Bobonaru.

Benefisiariu hamutuk projeitu 21, komunitariu ne’e komunidade rasik maka hala’o obra ida ne’e. Rua liu husi Kapital Dezenvolvimentu no ida seluk beins servisu. Agora daudaun hahu hala’o ona estudu viabilidade tuir planu grande opsoins ne’ebe tinan oin prevee ba aulas 400.

Aulas hirak ne’e iha lista ona inklui eskola sira uluk hala’o husi Pakote Projetu Referendum (PPR) hanesan eskola ne’ebé daudaun hamri’ik la iha kondisaun presiza tau matan.

Estudu viabilidade la’o ho ekipa fazeadamente. Governu sei toma atensaun ba preukupasaun hirak ne’e hotu. Tuir observasaun, Jornalista  Dili Post nota katak, iha eskola refere la iha haris fatin ho hijiene.

Fasilidade seluk hanesan kadeira, meza la iha. Haris fatin, eskola didin ho Au betu no eskola refere fo impaktu ba estudante no manorin uainhira tempu udan akompaña ho anin.(any)

About dilipost

Check Also

Cristal Ejiste Iha Tempu Difisil

Prezidente Fundasaun Agostinho Dos Santos Goncalves DILI Post – Prezidente Fundasaun Cristal Agostinho dos Santos …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement