Tuesday , August 9 2022

Estudante Sekundária Hamriik Kontra Violénsia Bazeia Ba Jéneru

DIlI Post – Estudante eskola sekundária Timoroan hamutuk 150 mak partisipa iha “IQual for All” Konferensia Nasionál kona-ba Violénsia Bazeia ba Jéneru, programa ida ne ‘ebé hetan finansiamentu husi Ministériu Negósiu Estranjeiru Estadus Unidus.

IQual for All – signifika “Hau Igual ho Sira Seluk” hanesan kampaña edukasional ida ne’ ebe lidera husi alumni Fulbright no Young Southeast Asian Leaders Initiative (YSEALI) atu kapasita estudante Timor oan sira atu sai advogadu hodi koalia kontra violensia bazeia ba jeneru.

“Servisu ne ‘e importante tebes tanba so bainhira feto no labarik-feto sira livre husi ta’ uk ba abuzu no violénsia mak sir abele hatudu sira-nia talentu tomak,” dehan Enkaregadu Neósiu Embaixada EUA, Tom Daley liu husi diskursu, bainhira halo abertura.

Tuir nia sidadaun hotu-hotu livre hatudu sira nia talentu ne’ e esensiál tebes atu asegura katak ema hotu bele iha kapasidade atu hatán ba dezafiu sira ne ‘ebé sei hasoru iha futuru – dezenvolvimentu ekonómiku, edukasaun, saúde públika, mudansa klimátika, no barak liután.

Estadus Unidus kompremetidu tebes atu hapara violénsia bazeia ba jéneru iha mundu tomak, no Estadus Unidus sente orgullu hodi apoia programa ida ne’ e.

Liuhosi programa ne ‘e, I’Qual ba Ema Hotu fornese semináriu virtual ba estudante eskola sekundária sira iha Timor-Leste laran tomak hodi hasa’ e koñesimentu kona-ba violénsia bazeia ba jéneru no fó koñesimentu no meus ba estudante sira hodi hamriik no ko ‘alia kontra violénsia.

Kampaña nee mos enkoraja lider foin-sae sira atu sai advogadu liu husi kompetisaun hakerek no advokasia publiku, inklui liu husi lidera organizasaun foin-sae sira nian hanesan UmaAmerika@UNTL no Inisiativa Juventude Timor-Leste ba Dezenvolvimentu.

IQual for All implementa tanba kolaborasaun di’ ak ho Sekretaria Estadu ba Assuntu Igualdade no Inkluzaun Sosial, Fundasaun CODIVA, NGO AJAR, PNTL-VPU, Plan International, Uma Amerika, Inpaktu Youth no Timorese Youth Initiative for Development. (**)

About dilipost

Check Also

Izame Dahuluk, Estudante Sira La’o Ain, Tanba Mikrolete Paradu

DILI Post-Relasiona ho folin Kombustivel sa’e mikrolete sira hahu husi 01 to’o 012 halo asaun …

Leave a Reply

Your email address will not be published.