Friday , May 20 2022

Estudante UNDIL Nia Telefoni Taxista Foti Sei Identifika Husi CCTV

DILI Post – Estudante UNDIL nia telefoni android rua IPON no OPPO ne’ebe taxista foti sei identifika husi Closed Circuit Television (CCTV).

Taxista lori halai pasajeirus (estudante) nia telefoni, Kuarta (22/12) ohin, maizumenus tuku 7 dader. Akontesementu ne’e bainhira estudante Nivonia Ximenes sae Táxi refere husi Merkado Comoro ba kampus UNDIL.

Hafoin to’o iha UNDIL estudante ne’e hatun sasan hanesan Pasta, kulsaun ne’ebe nia sei utiliza ba estajiu komunitaria iha Munisipiu Aileu.

“Hau fo osan $10 ba Sofer ne’e, dehan osan rahun lá iha atu volta ne’e mak hau hakat ba iha kolega sira husu hela sira nia osan rahun fila ba táxi ne’e halai tiha, ne’ebe hau bolu tuir ba táxi nee halai dook ona,” haktuir Novenia ba DILI Post, iha Kampus UNDIL Maskarinhas, ohin.

Estudante ne’e ho mata wen husu tulun ba dosente, hakat kedas ba hato’o iha komando Jeral Kaikoli loke Kamera CCTV halo hela deteksaun ba Táxi refere.

Tan ne’e, estudante refere hamutuk ho Polísia Tranzitu, halo ona ‘cros cek’ ba Kamera CCTV para identifika taxista ne’e.

Aliende ne’e Polisia Trazitu husu ba taxista lori fali Telefoni rua intrega ba eskuadra Polisia sira ne’ebe besik, nune’e bele fo fali telefone ne’e ba estudante.

Ho akontesementu ne’e Novenia Ximenes kansela nia viajem ba Aileu tuir estajiu komunitaria nudar Estundante Faculdade Saúde, departamentu Enfermagem Jeral. (Jimm)

About dilipost

Check Also

Polisia Lá Tolera Ema Kriminozu

DILI Post- Komandante jeral Polisia Nasional Timor-Leste (PNTL), Komisariu Faustino da Costa deklara fo ona …

Leave a Reply

Your email address will not be published.