Saturday , October 1 2022

ETO Telco Manan Konkursu Kopa Mundiál Qatar 2022 Iha TL

DILI Post – Empreza Nasionál ETO Telco sai nu’udár manan na’in bá konkursu direitu eskluzivu ofisiál broadcasting kopa mundiál Qatar 2022 iha Timor-Leste.

Jerente ETO Telco, Edmundo Freitas hateten rezultadu konkursu kopa Mundiál Qatar 2022, Empresa ETO Telco mak hetan direitu eskluzivu ofisiál broadcasting kopa Mundial Qatar 2022 bá teritoria Timor-Leste ne’ebé sei realiza iha Qatar komesa husi loron 21 fulan-Novembru to’o loron 19 fulan-Dezembru 2022.

Total orsamentu ne’ebé ETO Telco iha hodi sosa no manan konkursu bá direitu eskluzivu ofisiál broadcasting kopa mundiál Qatar 2022 konfidensiál no sei la halo anúnsiu bá públiku tamba bele prejudika konkursu sira tuir mai.

“Ami ETO Telco oras ne’e seidauk iha konkordansia ho TV nasionál ruma bá transmisaun kopa Mundiál Qatar 2022 no ida ne’ebé deal ona ho ami mak Internet Streamming ho TV Timor,”  dehan Edmundo Freitas Lopes ba jornalista sira iha Edifisiu  Sentral Eto Telco, Fatuhada, Sesta,(08/07).

Nia realsa tan  ETO Telco tuir konkursu transmisaun kopa Mundiál Qatar 2022 bá plataforma tolu (3) mak hanesan Free to Air, TV prepagu no ida seluk mak direitu bá internet Streamming.

“Ami halo preparasaun tékniku sira oras ne’e lao hela no sei iha tan fulan-haat (4) atu ETO Telco halo preparasaun másimu liután no kona-bá kestaun stock reciver parte empreza nian hahú halo order  ka hameno tan  atu asegura labele akontese failansu hanesan eventu sira antes ne’e” nia promete

Atu fó hanoin de’it katak ETO Group antes ne’e halo ona servisu lubuk ida hodi fornese divertimentu ba sosiedade Timor-Leste liu husi transmisaun direita ba iha kopa EURO 2016 (Direito televisaun por asinatura), kopa EURO 2020 (Direitu Eskluzivu), kopa Mundial Rusia 2018 (Direito Eskluzivu) no oras ne’e dadaun bá kopa Mundiál Qatar 2022 (Direitu Eskluzivu).

Tuir lei internasional bá broadcasting ETO Telco konkorre bá territóriu Timo- Leste no lolos ne’e so ETO Telco de’it mak fó sai jogu kopa Mundiál Qatar 2022 iha Timor-Leste. Infelizmente sei iha operador seluk ne’ebe tama iha Timor-Leste no ida ne’e fó prejuizu bá ETO Telco, maibé ida ne’e parte Governu nian kompetensia liu husi Autoridade Nasional Komunikasaun mak tenke tau atensaun bá ida ne’e hodi asegura no regulariza operadór sira ne’ebé halo atividade ihaTimor-Leste.

Iha fatin hanesan Responsável programasaun ETO Telco, Jesuina Gusmão hateten firma transmisaun bá jogu Kopa Mundiál Qatar 2022 adeptu sira no amantes futebol sira sei akompanha liu husi maneira tolu bá dahuluk nian Iha transmisaun jogu direita sei  liu husi plataforma Eskluzivu hanesan, Direitu Eskluzivu Free To Air/ De borla ka la selu, liu husi kanál no frekuencia UHF ho kobertura munisípiu 12 no mós RAEOA.

ETO Telco Timor-Leste sei halo transmisaun direita bá total jogus hamutuk 64 no adeptus no telespekador sira sei asiste liu husi Kanal ETO+ kanal  ETO Sport (bá Jogu ne’ebé iha oras hanesan).

Daruak nian mak amantes no adeptus bolamania sira sei asiste liu husi Direitu Eskluzivu Televizaun por asinatura/pay TV ka prepago, liu husi transmisaun Dijital tereterial ho receiver ETO Telco, espesialmente munisípiu Díli .

Datoluk liu mak Direitu Eskluzivu Internet Streamming liu husi plataforma TV Timor bá territóriu Timor-Leste.

Transmisaun direita kopa Mundiál Qatar 2022 ida-ne’e hetan mós suporta masimu husi patrosinadór prinsipál GOTA Timor-Leste, GOTA empresa bebidas ne’ebé ho kualidade di’ak iha Timor-Leste.

“Mai ita valoriza no uza ita-nia kanál lokál hanesan ita-nia kanál favoritu liu husi ita-nia empresa ETO Telco,” nia hateten.

Jerente jeral GOTA, Mario Martinho da Silva hateten, nu’udár empreza nasionál bá investimentu bee GOTA ho orgullu sai nu’udár patrosinadór bá jogu kopa Mundiál Qatar 2022 tamba GOTA hakarak kontribui lori divertimentu bá sosiedade Timor-Leste liu husi kanál Eto+.

“GOTA nudar produtu bee hemu iha Timor Leste sei nafatin apoiu transmisaun direita ba aktividade despostu sira iha kanal Eto+ atu anima sosiedade,” hakotu Mario (cal)


About dilipost

Check Also

The Children can now be safe from Dengue   

In January, 2022 Filomena Siqueira (34) received information from the volunteers about how to prevent …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement