Sunday , December 5 2021

F-FDTL No TNI Deskute Kapasitasaun Rekursu Umanus

DILI Post- Falintil -Forsa Defeza Timor-Leste (F-FDTL) no Tentara Nasional Indonézia (TNI) iha loron Sesta Feira (08/10) ne’e deskute konaba kapasitasaun area rekursu umanus, inklui siguransa iha fronteira entre Timor Leste no Republik Indonezia.

Xefi Estadu Maior F-FDTL, Brigadeiru Jeneral Calisto Santos Coliati informa ba Jornalista katak, sorumutu entre parseiru hosi nasaun Indonézia ne’ebe reprezenta hosi TNI nian Koronel Elfy, no adidu Indonezia nian iha Timor Leste inklui adidu Timor Leste iha Jakarta sinor Tenete Koronel Sadia.

“Inkontru ida ohin ne’e nudar inkontru annual, inkontru bilateral entre Indonezia no Timor-Leste partilkularmente ho forsa ankatan darat hodi ko’alia konaba koperasaun bilateral iha area defeza entre Timor Leste ho Indonezia,” dehan Brigadeiru Jeneral Calisto, iha Kuartel Jeneral, Fatuhada-Dili, Sesta ohin.

Nia hatutan, iha sorumutu ne’e forsa rua deskute konaba rekursu umanus, nune’e nasaun Indonezia sei tulun forsa Timor Leste hodi fo formasaun iha area Infantaria, area Cavalaria, no mos konaba artidaria.

“Sira sei kontinua ho TNI atu forma ita nian militar sira iha area sira ne’e,” dehan nia.

Aliende ne’e, nia dehan sira mos sei fo formasaun iha area saude nian oinsa mak Timor Leste bele kontribuia iha area saude nian, tan ne’e mak persiza preparativu para parseiru hosi Indoenezia prontu atu apoiu.

Nia mos relata koalia konaba fronteira oinsa maka TNI ho Forsa Terestre Timor Leste nian bele garante esta bilidade iha lina fronteira entre nasaun rua ne’e.(mark)

About dilipost

Check Also

PNTL Prende Kilat Anin No Fugetis Iha Microlete Laran Iha Area Tunubibi

DILI Post- Komandu Polisia Nasional Timor-Leste (PNTL), Munisipiu Bobonaro hosi ekipa Alfa no Forsa Rezerva …

Leave a Reply

Your email address will not be published. Required fields are marked *