Tuesday , August 9 2022

Fila Hosi Atambua, UPF Kaptura Membru PSHT Nain 24 Iha Balibo

Komandante UPF Superintendente Polisia, Euclides Belo

DILI Post- Liu hosi operasaun Unidade Polisia Fronteira (UPF), konsege kaptura tan Membru grupu arte marsias Persaudaran Setia Hati Terate (PSHT) nain 24 iha suku Cova, postu administrativu Balibo, Munisipiu Bobonaro iha loron 28 fulan Agostu tinan ne’e.

Komandante Unidade Patrullamentu Fronteira (UPF), Superintendente Polisia Euclides Belo, hateten membru PNTL ne’ebe servisu koletivu kaptura tan sidadaun timor oan nain 24 hanesan mos membru Grupu Arte Marsiais hosi PSHT iha area fronteira, Suku Cova, Postu Administrativu Balibo, Munisipiu Bobonaro ne’ebe tama hikas mai teritoriu nasional hosi Atambua-Indonezia.

“Ita nia sidadaun timor oan sira ne’e hamutuk ema nian 24 husi membru Arte Marsiais PSHT nian. Ermera nain 17 inklui feto 1 no husi Bobonaro ema nain 7. Iha oras tuku 4 loraik ita kaptura nain 3 iha area Korluli-Maliana, iha oras tuku lima loraik ita halo “check point” iha kompanhia oin mak deteta nain 5, meia noite kaptura ema nain 8 iha areia Posto UPF Derok-Ren no iha fatin hanesan kaptura tan nain 8 iha tuku 4 dader ne’e. Enkuantu nain 4 seluk ne’ebe laos membru Grupu Arte Marsiais, membru UEP no Ekipa apoiu Komandu Jeral kaptura iha areia Posto Memo ho razaun halo transaksaun ilegal,” esplika komandante UPF ne’e ba jornalista, liu husi via telefone, Domingu ohin.

Euclides dehan, agora daudaun sidadaun timor oan nain 24 ne’e iha hela prosesu identifikasaun no sei entrega ba parte Covid-19 hodi kumpri uluk lai protokolu saude nian depois maka kontinua ba prosesu administrativu no kriminal nian. (mark)

About dilipost

Check Also

Domingos Konsideira Funsiunariu Palasiu Governu “Matan Delek”

DILI Post-Komandante Tranzitu Komandu Polisia Munisipiu Dili, Inspetor Polisia, Domingos Sarmento Gama konsideira funsiunariu Palasiu …

Leave a Reply

Your email address will not be published.