Wednesday , January 19 2022

FM Ejize Governu Haree Mandatu Lere no Falur

DILI Post-Organizasaun Naun Govermentál Fundasaun Mahein (FM) ezije ba Governu atu haree ona mandatu Xefe Estadu Maior Falintil-Forsa Defeza Timor-Leste (F-FDTL), Maijor Jenerál Lere Anan Timur, no Vise Xefe Estadu Maior, Falur Rate Laek.

Tuir diretór Intérinu FM, João Almeida hateten, iha loron  3 fulan Maiu tinan 2020, Konselu Ministru aprova ona alterasaun ida ba nomeasaun kargu sira iha irárkia forsa armada nian, liliu Xefe Estadu Maior F-FDTL, Maijor Jeneral Lere Anan Timur, no ninian Vise Falur Rate La’ek.

“Iha alterasaun ida ne’e ita hotu akompaiña, no tuir komunikadu Governu ne’ebe fo sai katak mandatu Lere no Falur sei to’o 2024, ida ne’e nesesita duni atu ita deskuti, tanbá mandatu ba sira nia  remata ona iha Outobru tinan kotuk, e to’o agora sedauk halo nomesaun foun,” informa Almeida ba Jornalsita, iha sala Konfrensai Fongtil, Kaikoli, foin lalais ne’e.

Nia haktuir, dekretu Prezidente Repúblika liga ho mandatu Xefe Estadu Maior F-FDTL, Maijor Jeneral nian, ne’ebe hasai iha fulan Juñu tinan 2019 la klaru, no la serteja to’o bainhira maka mandatu lider forsa nain rua ne’e remata.

“Ita la ejize atu tun ou sa’e, maibé ita ejize Governu atu bele halo nomeasaun foun, ou rekondusaun, tanbá lei ne’e rasik ejize, tanbá to’o agora kargu sira iha irárkia forsa armada nian kontinua iha internignidade, no seidauk halo nomesaun ida ne’ebe difenetivu,” esplika Almeida

Nia hatutan, komptensia halo nomesaun mak Prezidente Repúblika tuir artigu 86 alinia M  KRDTL, no estatutu militár F-FDTL numéru 1 no 2 artigu 74 kona bá estatutu militár F-FDTL nian.

Maiske nune’e, nia dehan Governu hanesan parte ida husi prosesu nomesaun ne’e, maibé dezde Outobru 2019, Governu seidauk halo prosesu ne’e rasik, tan ne’e husu atu bele hahú deskute ona.

Aliende ne’e, nia hateten iha komunikadu Governu nian koália mos konabá alterasaun sira, liliu harmornizasaun ba lei defeza nasionál, no liga ho definisaun polítika defeza nasionál konseptu estratejiku defeza, no siguransa nasionál, konseptu estratejiku militár, sistema das forsas, disposetivus das forsas nian, maibé dokumentus sira ne’e to’o agora sedauk públika.

“Ami haree katak estatutu militár ne’ebe hetan preimeira alterasaun iha tinan 2016 sei vigor hela, tan ne’e mak ita husu atu bele hahu ona prosesu nomeasaun tuir estatutu militar F-FDTL dekretu lei ne’ebe halo revisaun iha tinan 2016,” tenik diretór intérinu FM ne’e.

Tuir nia, iha prosesu nomesaun nian tuir dekretu Governu numeru 6/2016 11 fulan Maiu, konabá rejimentu konselu superior defeza militar, enkuantu rejimentu konselu superior defeza militar diferente ho konselu superior defeza, no siguransa.

“Ami hanoin katak hahu ona prosesu hodi hein alterasuan ne’ebe dadaun ne’e la’o hela atu nune’e, forsa armada iha kargu irárkia a’as liu F-FDTL nian bele iha ona lideransa defenetivu ida,” Sujere Almeida.

Ne’e duni, nia rekomanda ba Ministru Defeza atu hahu ona prosesu konsulta konabá nomesaun ka ezenorasaun ba kargu Xefe Estadu Maior F-FDTL, no vice  Xefe Estadu Maior F-FDTL.

Tuir dekretu Governu numeru 6/ 2016, no liga ho konselu superior Defeza Militar nian, liliu prosesu nomesaun ne’ebe inisia husi Ministériu Defeza, numeru 2 artigu 74 estatutu Militar F-FDTL konabá prosesu nomesaun ba Xefe Estadu Maior F-FDTL, no vice  Xefe Estadu Maior F-FDTL. (mark)

About dilipost

Check Also

Posibilidade Falur Avansa Lidera F-FDTL, Hafoin Lere Regigna-An

DILI Post-Xefi Estadu Maior Jeral Falentil-Forsa Defeza Timor-leste (F-FDTL), Tenente Jeneral Lere Anan Timur afirma, …

Leave a Reply

Your email address will not be published. Required fields are marked *