Tuesday , October 19 2021

FONGTIL : Viajen Ba Austria La Nesesariu; KAK-PDHJ Tenke Investiga Prezidente PN

DILI Post – Forum Organizasaun Naun Govermental Timor-Leste (FONGTIL) konsidera Prezidente Parlamentu Nasional (PN) Aniceto Guterres partisipa enkontru iha Austria la nesesariu no husu Komisaun Anti Korupsaun (KAK) ho Provedoria Direitus Humanus Justisa (PDHJ) tenke investiga.

Ezijensia ne’e hato’o husi Diretor Ezekutivu FONGTIL ,Daniel do Carmo Santos, tanba sira hare situasaun agora dadaun Timor Leste infrenta makas ba pandemia Covid-19.

Ne’e duni, nia dehan Prezidente bele ba enkontru maibe la muda timor imediata tan ne’e mak la nesesariu. Mundu agora ema aplika online meeting bele uza Zoom iha deit rai laran.

“Prezidente PN tuir enkontru iha Austria parte ida reprezenta estadu, maibe iha situasaun ida ne’e ita bele dehan ne‘e la nesesita,” dehan Daniel ba jornalista, iha Kaikoli, Segunda (13/9).

Nia hatutan , lolos Prezidente PN tenke iha autoridade atu hatete ba komisaun organizadora iha Austria katak sira sei la ba tanba populasaun iha nia rai iha problema ne’ebe seriu impaktu makas husi pandemia.

Tan ne’e sira tenke hakmatek iha rai laran hodi konsentra ba problema sosial sira, karik bele hanesan ne’e liu husi online deit

Aliende ne’e FONGTIL mos deskonfia prezensa Prezidente PN reuniaun iha Austria iha buat rua hanesan motivu ida gasta osan povu nian no ida halo traisaun ba populsaun nia moris iha Rai-laran.

Liga ho publikasaun iha media sosial (Medsos) bainhira Prezidente PN, Aniceto Guterres fila husi Austria ba sarani oan iha Portugal.

FONGTIL ejize Instituisaun relevante hanesan KAK no Provedoria PDHJ atu halo investigasaun ba Prezidente PN. Tanba, dalan diak mak tenke loke ka halo investigasaun ba Prezidente PN atu bele hatene nia motivu viajen husi Austria ba Portugal uza nia osan privadu ka osan estadu.

“Ami husu ba KAK,Inspector Jeral do Estadu sira ne’e mak tenke halo kolaborasaun hodi halo investigasaun ruma atu hatene motivu Viajen husi Austria ba Portugal hodi ba partisipa oan sarani iha Portugal atu bele hatene kustu de viajen husi Austria ba Portugal ne’e uza PPN nia osan privadi ka rekursu estadu ne’ebe governu fasilita ba sira enkontru iha Austria mak ba uza fali ne’e presiza halo investigasaun,” sujere Diretor FONGTIL ne’e.

Daniel ejize halo investigasaun ba Prezeinte PN tanba FONGTIL konsidera ida ne’e aktu ida ne’ebe halo ne’e problema ho Liña moral hanesan ema timor oan ida.
Ne’ebe nia populasaun sofre hela iha nia rai depois nia uza tempu viajen estadu nian hodi uza tan tempu hodi halo fali nia atividade ferias. (any)

About dilipost

Check Also

Naimori Bukar Hetan Suspensaun Pedidu Husi Tribunal Distrital Baucau

Dili Pos – Konseleiru Másimu Partidu Kmanek Haburas Unidade Nasionál Timor Oan (KHUNTO) José dos …

Leave a Reply

Your email address will not be published. Required fields are marked *