Tuesday , October 19 2021

Fornesimentu Kombustivel Ba Sentral Hera, Arranjus Entre Kompañia Ho EDTL


Ministru Obras Públikas,Salvador Pires

Dili Post — Ministru Obras Públikas (MOP) Salvador Pires hateten fornesimentu kombustível ba sentral elétrika Hera ne’e arranjus entre kompañia ho Eletrisidade Timor-Leste Empreza Públika (EDTL,ep).

Ministru Salvador hato’o asuntu ne’e, relasiona ho informasaun balun ne’ebé publika iha media sosial katak, mina iha sentral eletrika Hera atu maran, maibé kompañia ne’ebé la’ós fornesedor ajuda fornese mina para ahi labele mate.

Tanba, tuir Ministru Salvador Pires katak, governu nia kompeténsia maka, prosesu aprovizionamentu ba tenderizasaun sira tenke la’o tuir lei ne’ebé iha.

“Minstériu nian mak halo konkursu públiku tuir ita-nia lei ne’ebé vigora, prosesu ne’e ita halo hotu ona rezulta manán na’in sira ne’e, agora fronesimentu ba sira halo arranjamentu entre kompañia sira ne’ebé la viola kontratu, ha’u hanoin ida ne’e laiha problema. Arranjus ne’ebé sira halo entre kompañia ho EDTL, tenke bazeia ba kontratu ne’ebé mak iha,” dehan MOP ne’e ba jornalista, hafoin sorumutu ho Xefe Governu iha rezidénsia Farol, Dili. Segunda (17/05).

Nia mos relata oras ne’e daudauk, governu loke hela tenderizasaun ba kompañia rua ne’ebé ba futuru sei fornese mina ba sentral elétrika Hera.

Tan ne’e, nia dehan kompañia ne’ebé uluk fornese hela mina ba Hera, sei kontinua fornese tuir desizaun konsellu ministru hodi hein kompaña fornesedor foun.

“Agora duadaun ne’e ita promove hela tenderizasaun ba iha Hera, tempu badak ita bele hetan manán na’in rua, aumesmu tempu hein hela prosesu tenderizasaun ne’e, fornesedor tuan sira ne’ebé uluk manán tender ne’e sira kontinua fornese tuir desizaun konsellu ministru nian,” haktuir Ministru Salvador.

Maibé, Governante ne’e esplika normalmente projetu sira ne’ebé liu milliaun $ 5 ba leten, konsellu ministru mak deside, maske projetu refere tutela ba Ministeriu Obras Publiku.

Ne’e duni, nia hatutan Timor Gap nu’udar empreza estatal, bele fornese mina ba sentral elétrika Hera no Betanu, tanba Timor Gap mós iha área operasionalizasaun fornesimentu no seluk tan.(ajo)

About dilipost

Check Also

Antes Lori ba Laleia, Ma’hunu Sei Hatoba Iha Muzeu Rezistensia

DILI Post-Tuir planu Domingu (26/09) aban, saudozu Jose Antonio Gomes da Costa kodiku Ma’hunu Bulerek …

Leave a Reply

Your email address will not be published. Required fields are marked *