Tuesday , June 28 2022

Frente Mudansa Sei Realiza Kongressu Iha Tempu Badak

DILI Post –Sekretáriu jerál Partidu Frente Mudanca (FM), Ricardo Cardoso Nheu, informa, partidu Frente Mudança sei realiza kongressu iha loron 27 Maiu 2022 hodi hili lideransa foun atu projeta partidu ba oin no preparasaun ba eleisaun parlamentár 2023.

Sekretariu jerál partidu Frente Mudansa hatoo asuntu ne’e ba jornalista iha nia rezidénsia pantai kelapa, kinta (14/05/2022) objetivu fundamental husi kongresu ne’e mak atu hili prezidente no sekretariu jeral foun ba partidu Frente-Mudanca ba futuru.

Ricardo afirma kongressu partidiariu funsiona iha sistema multi-partidarizmu kada tinan lima partidu hotu tenke hala’o kongressu hodi hili lideransa partidu nian, nune’e iha fulan Maiu tinan ne’e iha mos biban ba partidu Frente-Mudanca atu halo nia kongresu hodi hili fali lideransa foun atu prepara ba eleisaun parlamentar iha 2023.

Partidu hotu-hotu tinan lima tenke halo kongresu no partidu Mudanca mos tuir regra ida ne’e too ona tempu sei halo kongressu iha loron 27 fulan Maiu tinan ne’e,’’ katak sekretariu jeral partidu FM ne’e.

Ricardo fundamenta objetivu husi kongressu ne’e atu hili fali lideransa foun hodi lori ema hotu ba tuir partidu Frente-Mudanca nue’e partidu ne’e bele sai boot liután iha futuru hodi kompete iha palku politika tuir programa partidu bainhira hetan lejitimidade hodi lori dezenvolvimentu ba povu.

“Ha’u fiar liu husi kongressu ida mai agora ne’e’ sei rezulta lider ida ne’ebé kualidade hodi servi partidu no rai doben Timor Leste ida ne’e,’’ katak Ricardo Nheu.

Nia dehan, natureza husi kongressu ne’e la’o ho demokratikamente ho oportunidade ba ema partidu ne’e nian ne’ebé prenxe kriteria, maibé presiza ema ne’ebé iha kapasidade, kreativu no justu hodi lidera partidu ne’e ba oin.

“Ha’u mos sei ema ida hanesan delegadu ho orientasaun sei rezulta ema ida ne’ebé di’ak atu jere partidu ne’e ba oin hodi servi rai doben ida ne’e,’’katak nia.

Sekretariu jeral partidu Frente Mudanca ne’e rekonese iha dezafius barak mak estrutura atual enfrenta, relasiona ho dinámika polítika ne’ebé lais inklui situasaun iha mundu ne’e la’o lalais fo impaktu mai nasional, maibé ho maromak nia tulun Frente Mudanca kontinua ejiste hodi hala’o tan kongresu iha fulan Maiu tinan ne’e.

Nia dehan, maske iha dezafius oi-oin partidu Frente-Mudanca konsege partisipa iha eleisaun hirak ne’ebé liu ona konsege hetan kadeira ida iha parlamentu nasional, maibé partidu FRENTE Mudanca sei halo preparasaun di’ak liután iha eleisaun 2023 no fiar sei aumenta tan kadeira rua hanesan uluk kadeira rua iha parlamentu nasional.

Kona-ba kongressu 27 de Maiu ne’e koordenador sira hatene hotu ona no sira sei asegura prosesu demokrátiku ida ne’e ho susesu no dame,’’ Ricardo sublina.

Iha fatin ketak, prezidente interinu partidu Frente-Mudanca, Egidio de Jesus, afirma bainhira sekretariu jeral Ricardo Cardoso Nheu ulun moruk halo duni kongresu iha loron 27 Maiu, prezidente interinu sei haruka polísia taka razaun fundamentu prezidente interinu FM konsidera sekretariu jeral nia estrutura ilegal. 


”Se sira halo duni kongresu sira sei rasik sei hasoru problema, tanba buat ne’e ilegal, no sira nia konferensia hirak ne’e hotu ilegal, Ricardo Cardoso Nheu halo duni kongresu sira sei hasoru problema tanba polisia sira haruka sira hapara kongressu, razaun seluk tan sira laiha direitu lideransa iha partidu bazeiadu ba artigu 75 karta kredensial loron 9 fulan Abril 2018 ho mos 22 fulan Janeiru 2022 foin lalais sira fo poder mai ha’u ne’e,” prezidente interinu FM ne’e argumenta,
Tanba ne’e, Egidio de Jesus akresenta liután bainhira sekretariu jeral realiza duni kongressu iha loron 27 fulan Maiu 2022 maka prezidente interinu FM ne’e sei orienta parte seguransa hapara imediatu kongressu refere.(cal)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.