Sunday , October 2 2022

Fulan Junho, DMCSRN Rejistu Sidadaun Trata BI Atinji 5.726

Diretora Dirasaun Munisipal Conservatorio dos Servicos de Rejistu e Notariado, Octavia Celeste de Sousa. Foto : Dili Post Aldo

DILI Post- Dirasaun Munisipal Conservatorio dos Servisu de Rejistu e Notariado (DMCSRN) Munisipiu Dili simu sidadaun ne’ebe trata dokumentus Bileti Identidade (BI) iha fulan Junho to’o Julliu tinan ne’e atinji ona 5.726.

Diretora DMCSRN, Octavia Celeste de Sousa Soares hateten atendentu ba kliente sira ne’ebe maka trata BI kada loron atende komunidade sira hamutuk 130 to 150 ital, ba halo BI foun.

Hahu husi fulan junho to’o Julliu DMCSRN atende kliente sira ne’ebe maka trata BI husi idadade 12 to’o 16, mane 60, feto 61. No sira ne’ebe idade husi 17 to 39 mane hamutuk 2.327 no feto hamutuk 1.689 pesoas.
Nune’e mos kliente sira ho idade husi 40 to’o 59 mane 779 no feto 566, ba fali iha idade 60 ba leten mane 157 no feto 177.

“ Total emisaun husi mane hamutuk ba iha fulan Junho hamutuk 3.223 no Feto 2.503 total hamutuk 5.726,”dehan Diretora DMCSRN ne’e ba Dili Post, Kinta (21/07) iha nia knar fatin, Kaikoli-Dili.

Nia hatutan, Kriteria ba trata BI hotu hotu hanesan,maibe tau perioridade liu ba katuas ho ferik sira ne’ebe maka kondisaun ladun forte no ba sira ne’ebe maka moras no sira ne’ebe maka ho kondisaun difisiente.

“Ita fo perioridade ba sira bele tama uluk hodi atende sira,no ba ema sira ne’ebe maka idade abansado hanesan treseridade, ne’e tau ona sira nia tempu ba iha vitalisia,ba sira ne’ebe maka idadade produtivu normalmente fo tempu tinan 5 deit,” esplika Octavia.

Nia mos relata konaba atendementu ba sertidaun Nasimemtu tenke tuir kriteria ne’ebe maka fo sai ona iha kuadrus informasaun,tenke lori kartaun elitoral, sertidaun Batismo ba sira ne’ebe maka trata foun, no ba kliente sira ne’ebe maka halo renovasaun tanba lakon tenke aprezenta ho deklarasaun husi suku nomos dokumentus orizin sira ne’ebe maka iha atu bele justifika sira nia dadaus bainhira atu hasai sira nia sertidaun Nasimentu.

Ne’e duni, nia dehan total ba kliente sira ne’ebe maka hasai ona sertidaun Nasimentu iha fulan junho to’ fulan jullo total hamutuk,1084 Ital ba akumula hotu ba iha sertidaun Nasimentu, Gia do Ovito no Sertidaun kakazamentu sura total hamutuk ho labarik kiik husi idade 0 to 5 anus ba to’o iha 17 anus.

“Husi labarik kiik sira bele trata iha sentru saude ne’ebe sira moris ba hanesan, sentru saude Komoro, sentru saude Vera Cruz, centru saude Formosa, Sentru saude Becora no sentru saude Metinaro ho Hospital Nasional Guido Valadares,”tenik Octavia.

Diretora ne’e akreseita normalmente ba sira ne’ebe maka trata dokumentus iha sentru saude sira ou iha Hospital, dokumentus sira hotu iha ne’eba no rejista iha ne’eba, hotu maka lori fila-fila ba servisu Notariado nian, hodi bele intrus fali iha sistema, no produs dokumentus hotu sei lori fali ba iha sentru saude no Hospital para sira bele ba foti fali sira nia sertidaun hirak ne’e.

Nia informa iha mos atendementu ba rejistu movel ne’ebe maka sira bele atende mos iha labarik idade 0 to 5 no katuas ho ferik sira ne’ebe maka iha fatin ne’ebe sira labele to’o iha Notariado.

“Hau nia mesagen katak ema hotu iha diretu atu hetan identidade ne’ebe maka sira hakarak, atendementu ne’ebe maka ami fo sai ami esforsu hotu atu halo atendementu,” haktuir Diretora DMCSRN ne’e.

Aliende ne’e, nia apela ba maluk sira ne’ebe hakarak trata dokumentus hirak ne’ebe maka sira presiza prense ho dokumentus sira ne’ebe maka DMCSRN presiza hodi halo kompletu tuir ona orariu ne’ebe maka sira tau iha kuadru avizu.

“Maske, tempu ne’ebe maka ba ami rasik la too, maibe ami sei buka koalker maneira atu aumenta tempu to’o kalan ami sempre atende to’o hotu,” afirma Octavia.

Tan ne’e, nia husu ba sidadaun ne’ebe mai trata tenke ho pasensia no disiplina tanba DMCSRN disponivel nafatin atu atende sira iha tempu saida de’it maka sira determina to’o rezolve hotu dokumentus ne’ebe maka sira presiza.”dehan Octavia Celeste. (al)

About dilipost

Check Also

Kombate Trafiku Humanu Tenke Respeita Valor Kultural

DILI Post – Komadante Jeral Polisia Nasional Timor Leste (PNTL), Komissáriu, Faustino da Costa relata …

One comment

  1. Itís hard to come by knowledgeable people for this subject, but you seem like you know what youíre talking about! Thanks

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement