Monday , June 27 2022

Gasta 40 Mil Ba Vizita Troféu, SEJD “Tane Liman” Ba FIFA Rehabilita Estadium

DILI Post-Relasiona ho Vizita Troféu Copa Mundial Iha Timor Leste, Sabadu (11/6) ohin, Sekretariu Estadu Joventude no Desporto (SEJD), Abrão Saldanha aproveita oportunidade ne’e hodi “tane Liman” ka husu ajuda tan ba Federasaun Internasional do Futebol Asiático ( FIFA ),atu apoiu halo Konstrusaun Estadium Munisipiu Dili.

“Ita mak husu hanesan Governu ita husu sira liu husi partisipasaun iha ne’e atu bele estandariza ita nia estadium sira nune’e Neneik Ita mos iha mehi katak loron ida bele lori fali Jogu internasional mai iha ita nia rai laran, minimu jogu rezional mai iha ita nia rai labele ba iha ema seluk nia rai.”Katak Abrão Saldanha ba Jornalista iha Estadium Munisipal Dili molok akompanha Troféu Mundial fila ba Aeroporto sabadu ne’e.

Além de ida ne’e Sekretariu estadu Joventude no Desporto Abrão Saldanha mós haktuir ho Prezensa ekipa FIFA iha Timor Leste, nia parte mos halo Negosiasaun atu halo atribuisaun ba investimentu Estadium Munisipal Dili nomos husu atu hadia Tan sede kampu Demokrasia iha tinan ida ne’e.

Ho vizita Troféu Mundial ne’e Abrão Saldanha sente Onradu tanba bele inspira Liu servisu iha Área Desportu Nian hodi bele desenvolve Futebol iha Timor leste ba futuru ho diak Liu tan.

“Ita hamutuk ho FIFA sei Dezenvolve diak Liu tan setor Desportu iha ita Nia Rai.” Katak Abrão.

Enkuantu, iha vizita Troféu Mundial mai Timor leste ,Antes ne’e Governo Liu husi SEJD no Federasaun Futebol Timor leste (FFTL), Prevê Osan Hamutuk 40.000 mil Dólares Americano hodi halo preparasaun Simu Troféu ne’e.

Maibe, bainhira Dilipost.Online Tenta Komfirma fila-fali Governante ne’e informa Orsamentu ne’ebe Gastu ba Prezensa Troféu Mundial ne’e hamutuk 22 mil ,maske antes ne’e Anunsiu Montante 40 mil.

Iha Vizita Troféu Mundial mai Timor Leste ne’e Akompanha husi Legendário Eis-futebolista Fransés Christian Karembeu iha ne’ebe hatudu mos Nia atrasaun jogu ho Jogador Juvenil sira iha Estadium Munisipal Dili durante oras balun nia laran.(JAVEL)

About dilipost

Check Also

Citilink Sei Voo Hikas Iha Fulan Maiu

DILI Post-Aviasaun Citilink sei hahu hikas ninian voo komersial iha loron 30 fulan Maiu tinan …

Leave a Reply

Your email address will not be published.