Monday , September 27 2021

Governu Fo Ona Apoiu Emerjensia Ba Vitima Insendiu Merkadu Komoro

DILI Post- Governu liu hosi ekipa konjuntu kompostu hosi Sekretariu Estadu Protesaun Sivil (SEPS), Ministeriu Solidaridsde Sosial no Inkuzaun (MSSI), Ministeriu Turismo Komesrsiu no Industria (MTKI), no Ministeriu Saude (MS) fo ona apoiu emerjensia ba vitima insendu iha Eis Merkadu Komoro.

Iha Intervista ho SEPS,   Joaquim Gusmao hateten akontesimentu ne’e ema hotu hotu la espera, tanba ne’e maka afeta makas tebes ba komunidade sira, ne’ebe maka hela besik merkadu Komoro.

 Ho akontesimentu ne’e, nia haktuir horkalan ekipa Bombeirus tun kedas iha fatin akontesimentu, maibe so bele salva de’it iha ninin, no klaran ne’e labele salva, tanba maioia motuk hotu kedas.

“Ohin tun mai kampu ita hamutuk mos ho Ministru Admnistrasaun Estatal, vice Ministru MSSI, Ministra Saude, nomos Ministru Turismo Komesrsiu no Industria atu bele haree situasaun real ne’ebe maka iha, nune’e ita mos bele apoiu kedas urjente ba sira,” dehan Sekretariu Estadu Joaquim ba jornalista, bainhira halao vizita ba fatin refere,  Kinta (29/07).

Nia mos kolia ona ho xefe suku no xefe aldeia sira hodi deside ona hodi fo atendimentu uluk ba komunidade sira ne’ebe maka desde horikalan ne’e ate agora seidauk han, liuliu labarik  no inan feto ka inan isin rua sira ne’ebe maka deside atu bele fo hahan tasak uluk ba sira iha miudia ne’e.

“Ita mos mobiliza ona tenda iha fatin rua ne’e hodi bele akomoda sira iha fatin ida ne’e no mos apoiu sasan  sira ne’ebe maka iha hanesan sanan tasu bikan, orsida kalan sira bele tein rasik no bele organiza rasik  nune’e ita hodi apoiu hahan,” dehan nia.

Nia hatutan, liu tiha ida ne’e maka foin identifika lolos katak ema nain hira maka sai hanesan vitima familia hira no mane hira feto hira, nunee bele fo fali apoiu  tuir mai.

Ne’e duni, nia dehan agora dadaun iha tendas 65 ne’ebe maka bele sai hanesan fatin temporariu ekipa sira mobiliza ona tenda sira nune’e bele hari atu orsida kalan sira bele toba.

Iha fatin hanesan vitima ba Insendiu Joanina Freitas senti triste tebes tanba lakon nia sasan barak tebes inklui mos osan ne’ebe maka nia kredit husi estadu.

“Sim sasan sira hanesan jeleira, sasan kios, obralan nomos sasan uma laran tomak hotu de’it,  hau sai deit ho roupa isin lolon nian no osan ne’ebe maka durante ne’e hau buka moris maka rai hamutuk mos la konsege salva hotu,” subliña nia ho matan wen.

Aliende ne’e, nia husu ba governu atu tau matan ba nia tanba moris hanesan feto faluk ho oan nain rua.(mark)

About dilipost

Check Also

Komunidade Comoro Selebra Loron Falintil Ho atividade Feira Oioin

DILI Post-Komunidade Suku Komoro, Postu Administrativu Don Aleixo, selebra loron ezistensia Falintil ba dala 46 …

Leave a Reply

Your email address will not be published. Required fields are marked *