Friday , July 30 2021

Governu La Extende KO Iha Dili, Transporte Públiku Bele Halo Movimentu Lívre

DILI Post- Konsellu ministru deside la extende ona impozisaun Konfinamentu Obrigatóriu (KO) iha munisípiu Dili, nune’e sidadaun sira bele hala’o fali atividade normal no mós transporte públiku sira bele halo movimentu hanesan baibain.

Desizaun ne’e governu foti, hafoin tiha aprezentasaun husi koordenador sira sala situasaun Sentru Integradu Jestaun Krize (SIJK), kona-ba pontu situasaun epidemiolójika nasaun nian.

“Konsellu ministru la renova impozisaun konfinamentu domisiliáriu jeral husi populasaun munisípiu Dili, bainhira ikus husi konfinamentu vijente la extende tan ona, ho ida-ne’e katak, sidadaun sira iha munisípiu Dili bele movimenta lívremente bele hahú fila-fali atividade sira hotu,” dehan Ministru Fidelis kuarta (16/06/21) iha ministériu finansas, Dili.

Ho alterasaun impozisaun konfinamentu domisiliáriu jeral ne’e, sidadaun sira lívremente bele hala’o fali atividade ekonómika, maibé tenki kumpre nafatin regra sira-ne’ebé mak hatur ona iha medida ezekusaun estadu emerjénsia.
Ba transporte públiku hanesan, mikrolet ho taxi, bele hala’o fali movimentu hanesn baibain, maibé tenki respeita nafatin regras hanesan uza máskara, hand sanitizer no distamentu sosial metru ida ou liu.

“Atividade sira ita halo para tanba konfinamentu obrigatóriu ne’e, agora ejizénsia ida-ne’e laiha ona, maibé mikrolet, taxi sira husu atu impoin nafatin rekizitus hanesan, uza máskara, fase alcohol iha mikrolet sira par garante mós distansiamentu iha transporte públiku sira,” dehan Fidelis.

Governu mós hanoin ona posibilidade atu reativa fali atividade operasaun transporte aereo ba viazen internasional nian, maibé sei hatur ho regras katak, sidadaun ne’ebé atu tama mai Timor-Leste, tenki hatudu kartaun vasina kompleta dala-rua, no mós dokumentu teste PCR.

Maibé, oras ne’e daudauk seidauk iha desizaun atu reativa atividade voo aviuan komersial, tanba Ministériu Transporte Komunikasaun (MTK) haree hela opsaun sira kona-ba viazen internasional nian.(ajo)

About dilipost

Check Also

Jose Agustinho Sei Simu Pose Iha 16 Agostu

DILI Post – Iha loron 16 Agostu tinan ne’e, Prezidente Komisaun Nasional Elisaun (CNE) Jose …

Leave a Reply

Your email address will not be published. Required fields are marked *