Friday , July 30 2021

Governu Mantein Impozisaun Serka Sanitária Munisípiu 4 Ba Loron 7 Tan

DILI Post – Governu liu husi reuniaun konsellu ministru aprova projetu rezolusaun governu mantein impozisaun serka sanitária ba munisípiu 4 hanesa, Baucau, Bobonaru, Dili no Covalima ba loron 7 tan.

Desizaun ne’e governu foti, hafoin tiha aprezentasaun husi koordenador sira sala situasaun Sentru Integradu Jestaun Krize (SIJK), kona-ba pontu situasaun epidemiolójika nasaun nian.

“Desizaun primeiru maka mantein impozisaun serka sanitária iha Baucau, Bobonaru, Dili no Covalima sei extende ba periodu loron 7 tan, regra sira relasiona ho serka sanitária sei aplika ba sidadaun ne’ebé hakarak atu halo viazen ba munisípiu hirak ne’e,” Ministru Prezidénsia Konsellu Ministru, Fidelis Magalhães, hatete ba jornalista kuarta (16/06/21) iha ministériu finansas, Dili.

Durante loron 7 ne’e, sidadaun sira tama no sai husi munisípiu 4 ne’ebé sujeita hela ba serka sanitária, maibé sei admite de’it ba rajaun seguransa públika, saúde públika, asisténsia umanitária, manutensaun sistema abastesimentu públiku no seluk tan.

Porta voz governu ne’e afirma, prezidene autoridade munispal sira laiha kompeténsia atu autoriza sidadaun sira desloka ba munisípiu, maibé, teni hetan autorizasaun husi reprezentante SIJK iha munisípiu ida-idak.

“Prezidente autoridade sira laiha kompeténsia atu bele halo autorizasaun, sidadaun sira atu halo deslokasaun sira iha munisípiu ne’ebé sujeita hela ba serka sanitária bele husu husi reprezentante SIJK iha munisípiu,” dehan nia.

Nune’e, iha ámbitu serka sanitária mós, sidadaun sira-ne’ebé mak iha ona vasina dalarua, bele desloka ba munisípiu sira, importante mak hatudu kartaun vasina iha ba autoridade seguransa sira iha pontu entraga no saída, nune’e komprova sidadaun refere bele kontinua viazen.(ajo)

About dilipost

Check Also

Jose Agustinho Sei Simu Pose Iha 16 Agostu

DILI Post – Iha loron 16 Agostu tinan ne’e, Prezidente Komisaun Nasional Elisaun (CNE) Jose …

Leave a Reply

Your email address will not be published. Required fields are marked *