Wednesday , June 16 2021

Governu Mantein SS Iha Baucau, Munisípiu 3 Kontinua Vigora

Dili Post — Governu liu husi Konsellu Ministru mantein impozisaun Serka Sanitária (SS) iha munisípiu Baucau ba loron 7 tan, no kontinua impozisaun SS ba munisípiu Bobonaru, Dili no Covalima.

Desizaun ne’e konsellu ministru foti, hafoin análiza aprezentasaun kona-ba pontu situasaun epidemiolójika nasaun nian husi koordenador sira sala situasaun Sentru Integradu Jestaun Krize (SIJK).

Nune’e, konsellu ministru aprova projetu rezolusaun governu ne’ebé mantein impozisaun SS iha munisípiu Baucau ba loron hitu, maibé la renova impozisaun SS iha munisípiu Vikeke, no kontinua vigora impozisaun ba munisípiu Bobonaru, Dili ho Covalima.

“Konsellu ministru deside atu extende impozisaun serka sanitária iha munisípiu Baucau ho periódu loron 7, maibé konsellu ministru mós ohin deside atu halo kotu impozisaun serka sanitária iha munisípiu Vikeke,” dehan Ministru Prezidénsia Konsellu Ministru, Fidelis Magalhães, kuarta (09/06) iha Ministériu Finansas.

Tuir dadus estatísta infesaun kazu covid-19 iha munisípiu Vikeke hahú iha melloramentu, tanba ne’e governu deside hodi la aumnta impozisaun SS.

“Ne’ebé munisípiu Vikeke laiha ona serka sanitária, maske sei presiza nafatin husu ita nia populasaun iha munisípiu Vikeke atu kontribui makas liután iha esforsu redús taxa infesaun iha munisípiu refere,” dehan Fidelis.

Ho impozisaun SS ba munisípiu Vikeke ne’e, bandu sirkulasaun ema nian entre munisípiu Baucau no sirkulasaun administrativa sira seluk, exeptu (kecuali)kazu ne’ebé ninia fundamentu forte, tanba razaun seguransa públika.

Saúde públika, asisténsia umanitária, manutensaun sistema abastesimentu públiku, no razaun seluk ne’ebé atu hala’o ba interese públiku nian.(ajo)

About dilipost

Check Also

PN Sei Uza Kanal RTTL,E.P Transmite Programa

DILI Post- Parlamentu Nasional (PN) sei uza kanal RTTL,E.P hodi transmite programa liu husi Radio …

Leave a Reply

Your email address will not be published. Required fields are marked *