Saturday , August 6 2022

Hakat Ilegál Iha Fronteira,Vise MI ‘Fo Sala’ Ba MP

DILI Post – Sidadaun hakat liu fronteira entre Timor Leste no Indonezia ho ilegalmente numeru kontinua aumenta.

Maiske, autoridade seguransa fronteira Polísia Nasional Timor-Leste (PNTL) no Falintil –Forsa Defeza Timor Leste (F-FDTL) halo beibeik kapturasaun ba sidadaun ne’ebe utrapasa ho dalan ilegal situasaun ne’e nafatin akontese.

Nune’e, Vise Ministru Interior (MI) António Armindo ‘fo sala’ ba Ministeriu Públiku (MP) tanba la fo sansaun ne’ebe rigorozu ba sidadaun sira kontinua hakat fronteira ho ilegalmente.

Kestaun ne’e nia sempre levanta ba MP atu hare asuntu ne’e ho seriu para evita sidadaun sira labele hakur fronteira ho dalan ilegal.

” Se la aplika sansaun ruma ne’ebe maka rigórozu, individu ne’ebe mak iha intensaun hakarak halo movimentu ilegál, sira kontinua halo tanba laiha sansaun ne’ebe mak makas ba sira,”afirma Vise Ministru Armindo ba jonalista, bainhira partisipa seminariu ida iha Otel Timor, horseik.

Lamentasois ne’e nia hato’o tanba sidadaun barak la kumpre no hakruuk ba regra maiske PNTL liu husi Unidade Patrollmentu Fronteira (UPF) kaptura sira halo fila-fila.

Ne’e duni, nia husu MP presiza haree kestaun ne’e ho sériu, sé la’e sidadaun sira nia ikun naruk, tanba kaer sira mós, sira halo nafatin tanba laiha sansaun todan ba sira.

Aliende ne’e, nia mos relata kona-bá implementador husi MI ho PNTL iha fronteira ne’e rigór hela tanba sempre halo vizilansia no halo kapturasaun ba sidadaun ne’ebe liu husi dalan ilegal.

” Mais, nu fin kuandu ita lori ba iha Ministeriu Públiku ne’e, ami nehan laiha ona para atu tata sira, tanba fora husi ida ne’e kompetensia Ministeriu Públiku nian, la’os Ministeriu Interior nian ka polísia nian,” tenik vise MI ne’e.(Pogo)

About dilipost

Check Also

Domingos Konsideira Funsiunariu Palasiu Governu “Matan Delek”

DILI Post-Komandante Tranzitu Komandu Polisia Munisipiu Dili, Inspetor Polisia, Domingos Sarmento Gama konsideira funsiunariu Palasiu …

Leave a Reply

Your email address will not be published.