Tuesday , June 28 2022

Hasae Kualidade Saude, Jerente Saude Nain 25 Kontinua Tuir Formasaun

DILI Post – Ministra Saúde, Maria Odete Freitas Belo halo abertura formasaun ba jerente saúde hamutuk ema nain 25, formasaun ne`e rasik organiza husi Institutu Nasionál Saúde (INS).

“Programa formasaun ne’ebé agora ita atu hala’o daudaun ne’e bele kontribui maka’as ba iha ita nia dezenvolvimentu kapasidade lideransa no melloramentu kualidade prestasaun kuidadu saúde iha fasilidade saúde sira,” esplika Ministra Odete ba jornalista, iha salaun INS Kampu- Baru, Segunda (25/04).

Nia hatutan liu husi formasaun ne`e mak bele fo hanoin programa jerente saúde sira, atu bele fo resposta MS ninia estratéjia dezenvolvimentu rekursu umanus ne’ebé kontinua iha planu estratéjiku sira saúde ba tinan 2011 to 2030.

Enkuantu programa jerente saúde iha kolaborasaun ho INS, São João de Deus no saúde internasionál hodi hala’o kapasitasaun ba forsa servisu kuidadu sira saúde iha Timor-Leste (TL).

Fatin hanesan Diretora INS, Domingas da Costa Pereira mos esplika, INS servisu hamutuk ho parseiru dezenvolvimentu São João de Deus iha aréa formasaun kontinua, liu-liu atu hasa’e kapasidade no abilidade ba jerente saúde iha Ministeriu Saúde.

São João de Deus hanesan parseiru dezenvolvimentu INS nian, durante ne’e fo ona formasaun ba jerente sira ne’ebé mak servisu iha hospital nasionál guido valadares (HNGV) hospital referais, servisu saúde Munisípiu, MS no instituisaun otonomu sira.

Iha tinan 2022 São João de Deus hetan apoiu finansas husi Santos no sei kontinua halo formasaun ba jerente saúde iha grupu rua hanesan ho partisipa tesi kada grupu ema nain hamutuk 23-25, no INS ho ninia kompetensia sei iha esforsu atu buka rekursu sufisiente atu kapasita jerente sira iha nivel hotu-hotu.

“Iha tinan ida ne’e INS hetan fundus husi FDCA sei kapasita jerente ema hamutuk 25 no ami mós husu nafatin ba MS no parseiru dezenvolvimentu sira hotu atu aloka fundus balu kada tinan atu kapasita jerente sira,” nia esplika.

Tanba, tuir niq atu halo planu asaun anual MS jerente sira persiza iha konesementu, abilidade no talenta.

“Jerente sira mak hanesan save atu halo mudansa ba implementasaun planu estratéjiku iha ida-idak nia instituisaun,” hakotu nia.(ary)

About dilipost

Check Also

Izolamentu Vera Cruz Funsiona Hikas Atende Pasiente Corona Virus

DILI Post- Diretora Saúde Munisipiu Díli (SMD) Doutora Agostinha Assegurado informa hahu loron 15 Fevereiru …

Leave a Reply

Your email address will not be published.