Friday , May 20 2022

Horácio Babo Eleito Ba Prezidente UPJTL ba Periodu Tinan Ha’at

DILI Post- Hafoin Kongresu Loron Rua ,Kongresista sira deside Hili Jornalista Sénior Horácio Babo Eleito Nudar Prezidente União Profissão Jornalista Timor Leste (UPJTL), hodi lidera Organizasaun ne’e ba períodu Tinan Ha’at Husi 2021 to’o 2025.

Durante kongresu Kongresista sira propoin Pakote rua ne’ebe Kompostu husi Horácio Babo Eleito Pakote A no Lucas da Costa Monteiro Pakote B.

Hafoin Votasaun Resultado Hatudu Horácio Babo Eleito Ba Prezidente UPJTL ho Votu Afavor 57, nune’e Pakote B hetan Votu Afavor 9 no Votu Inválido 1.

Prezidente Eleitu Horácio Babo afirma durante mandatu ,sei Esforsu Hodi fo formasaun ba Membru sira no fo advokasia ba Jornalista , nune’e bele hasa’e konesimentu iha Jornalismu nian no sei servisu hamutuk ho parte oin oin hodi kapasita membru Sira.

“Hau hanoin hanesan Assosiasaun foun iha Hau Nia mandatu mak Ami sei trata Ami Nia Administrativu nune’e bele hetan Legalidade , iha Buat ne’ebe sei hala’o mak oinsa buka oportunidade atu kapasita Ami nia membru sira,Liu husi Formasaun Servisu ho Governu no ajensia sira no Parte hotu hotu hodi eleva membru Sira Nia kapasidade.”Horácio Babo hatete hafoin eleitu ba Prezidente UPJTL,Liu Husi Kongresu Dahuluk ne’ebe Hala’o iha salaun MSSI Kaikoli Sabadu ne’e.

Prezidente Konselhu Imprensa Timor Leste Virgílio Guterres fesilita ho existênsia UPJTL Nian ,no husu atu hametin jornalista Sira hodi hasa’e kualidade Produtu Jornalistiku hodi divulga informasaun ho lolos ba Publiku.

“Husi Organizasaun UPJTL Hau hanoin bele loke Diskusaun oinsa hametin Jornalista Sira nia solidariedade hodi hasa’e kualidade Ita Nia produtu ba povu ho informasaun ne’ebe balansu no lolos ” Prezidente KI Afirma.

Ministru Asuntu Parlamentar no Komunikasaun Sosial Francisco Jeronímo Kompromete sei servisu hamutuk Ho Organizasaun Jornalista hotu ne’ebe existe Timor leste.

“Ita sei servisu hamutuk Ho Organizasaun hotu ne’ebe existe , Hanesan Timor Leste Press union (TLPU) , Asosiasaun Jornalista Timor Leste (AJTL) nomos UPJTL nune’e iha tinan 2022 bainhira kompleta ona Rekezitos Administrativu Hodi bele hetan mos apoiu husi Governu.” Governante ne’e Kompromete.

MAPKOMS enkoraja UPJTL atu esforsu maka’as nune’e bele rejista hodi bele hetan Legalidade Nudar Organizasaun ida , nune’e iha Tempu oin Mai bele hetan mos apoio husi Parte Governu nian ne’ebe tutela iha área Komunikasaun Sosial.

Enkuantu União Profisão jornalista Timor leste Nudar Asosiasaun Foun ida ne’ebe mosu atu hadia ,halíbur Profisional Jornalista Sira Ne’ebe servisu iha Mídia Imprimi ,Elektronika no online.

Vizaun husi União Profissão Jornalista Timor leste ,atu Promove Jornalista atu ba banati tuir Lei Komunikasaun Sosial no prinsipiu Jornalismu nomos kode etika jornalista Nian.

Misaun UPJTL Mak Atu kapasita no Fo advokasia ba jornalista Timor Oan Sira hodi defende direitu Jornalista Sira nian bainhira enfrenta problema ruma.

Dadaun ne’e União Profissão Jornalista Timor Leste rejista ona membru sira Atus Ida resin ona ,husi instituisaun Media Nasional no Privadu ne’ebe hala’o knar iha media Elektronika, Imprime no Online.

Nune’e Estrutura dahuluk União Profissão Jornalista Timor Leste , Kompostu Husi Horácio Babo Nudar Prezidente, José de Sá Nudar Vice-presidente I , Jeronímo Amaral Vice-presidente II, Sekretariu Geral Mariano Martins,Adjunto-Sekretariu I Liliana Galucho ,Adjunto Sekretariu II Adérito Ximenes no Tezoreira Barreto.(Javel)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.