Tuesday , June 28 2022

Husu Osan Selu Oan Nia Eskola, Inan Tenke Lakon Vida

DILI Post– Supeitu ho inisial ACP tenke halakon ninian fen kaben nia vida tanba husu osan selu oan nia eskola.

Tuir Komadante Polisia Nasional Timor Leste (PNTL) eskuadra Don Aleixo, Inspetur asistente Americo F.da Costa informa katak, horkalan kazu laen oho nia fen iha suku Bebonuk, aldeia 20 Setembru, maizumenus tuku 10:51 tan deit fen husu osan atu selu labarik nia eskola.

“Kazu ne’e fen ho laen mak halo violensia ba malu, iha Bebonuk, motivu husi kazu ne’e tanba fen husu osan atu selu labarik nia eskola, nune’e nia foti tudik sona nia fen iha kedas sira nia kuartu” haktuir nia ba jornalista, iha eskuadra Don Aleixo, Aimutin-Dili, Kinta (20/01).

Nia hatutan, depois akontesimentu PNTL eskuadra Don Aleixo to’o kedas fatin hodi kaptura suspeitu ACP hodi lori kedas ba iha sela Munisípiu Dili.

“Sona nia fen iha fatin barak, ne’ebé vitima mate kedas fatin, ninia laen ne’e ami to’o mak foin foti nia tudik ida nia kaer hodi sona nia fen ne’e,” konta komadante eskuadra Don Aleixo ne’e.

Aliende ne’e, nia dehan kazu refere prosesa ona para submete suspeitu ba Ministeriu Publiku no vitima dadaun ne’e iha Hospital Nasionál Guidu Valadares hodi otopsia.(Pogo)

About dilipost

Check Also

Kazu Ta’a Malu Iha Lavateri, PNTL Kaptura Ona Autor SP

DILI Post– Komandu Polísia Nasionál Timor-Leste (PNTL) Munisipiu Baucau, liu hosi Eskuadra PNTL Baguia, Sabadu …

Leave a Reply

Your email address will not be published.