Tuesday , June 28 2022

Idozu Carlos Tenke Toba Iha Prizaun Durante Tinan 10

DILI Post- Polisia Sientifika Investigasaun Kriminal (PSIK), kaptura idozo ho naran kompletu Carlos da Costa (81), tanba diskonfia halo abuzu seksual hasoru minoridade.

Bazeia ba mandadu kapturasaun husi Tribunal Distrital Dili ho numeru NUC 1155/11 PD-Dili, PSIK halo detensaun ba Idozu Carlos da Costa iha nian rezidensia iha area Kaikoli besik kurzamentu UNTL.

Hafoin halo kapturasaun PSIK tula kedan arguidu ba iha prizaun Becora hodi kumpri pena prizaun tinan sanulu (10).

Portavoz PSIK, Octaviano da Costa Araujo haktuir, PSIK liu husi ekipa investigador halo detensaun ba arguidu Carlos da Costa (81) bazeia ba mandadu detensaun hosi Tribuna Distrital Dili.

“Ohin dia 11 de Maiu 2022 por volta 10:40 ita nian investigador sira halo detensaun por mandadu detensaun hosi tribunal hodi kumpri pena prizaun ba ita nian sidadaun ida ho naran Carlos da Costa (81) hosi munisipiu Manatutu, ” dehan Nia iha knar fatin, Kolmera-Dili (11/05).

Kazu refere rejista ho numeru NUC 1155/11.PD DILi, no arguidu sei kumpri pena prizaun durante tinan 10 ba krime abuzu seksual ba menor ne’ebe komete iha tinan 2012 liu ba.

Enkuantu konaba kazu refere akontese iha area ne’ebe, maibe, Portavoz ne’e esplika iha mandadu la mensiona fatin akontesementu, ho nia kronolozia. (pogo)

About dilipost

Check Also

Kazu Insestu Kontinua Aumenta Iha Munisipiu Tolu

DILI Post – Sekretariu Estadu Igualdade no Inkluzaun (SEII), Maria do Rosario Fatima rekonese kazu …

Leave a Reply

Your email address will not be published.